1 Kɔliìŋ 15:24 - WƆŊ FƐ̀Ì EBÒ SÌÀŊ DAYÀA

²⁴ Kpeiŋ kɛ̀ e teengaà haì wèè e ɗuunyaàŋ e jùà, wo Jisɛ̀ Kulaì do nàŋ pɔ̀ɔ̀pɔ̀ɔ̀ anyùùŋ gbèègbèè gààŋ nyaŋ gbiŋ wo pɔ̀ɔ̀pɔ̀ɔ̀ maŋ gààŋ maŋ gbiŋ, kɛ̀ wò gè e kanaà kùàŋ wò niŋ kìɛ̀ŋ wo Dayà wo Dèdaà.

1 Kɔliìŋ 15:24 ပူးပေါင်းရင်းမြစ်များ

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 24:13

Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 3:35

Wo Dèda wiɔ̀ Dayà manaŋ wo Jɔ̀àfelaauŋ nɔɔ̀ŋ, yèè wò nauŋ kìɛ̀ŋ e gààŋ manɛ̀ŋ maŋ gbiŋ diɛŋ.

Luùm 8:38

Mìŋ naŋ tùlìè e hààwe mɛ̀ jii kɛ̀ e nɛ̀ŋ gbiŋ fè wèè eim gè è mànàŋ Dayàa sùà. E fè pɛɛ è fàa ɔ̀ɔ̀ wɔ̀ŋ nyiiŋ gèe, aŋ màikà ɔ̀ɔ̀ anyùùŋ gbèègbèè ko àìjɛnɛ̀ŋ nyaŋ yaà maŋ gaàŋ gbeegbèè joo, miŋ dò nàŋ sɔ̀ e jàmaìŋ lɛɛ̀ ɔ̀ɔ̀ e yèɛ do nàŋ hnè lɛ, fèim gè è mànàŋ Dayàa sùà.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Kòlo 2:15

Wo Jisɛ̀ Kulaì wɔŋ vànèkpaa wiiŋ diɛŋ, naŋ wa bìlɛ̀ŋ wuŋ bi e yìwìà e gààŋ aŋ sìèfèìŋ aŋ jìnàŋ nyaŋ yaà e gààaŋ anyùùŋ gbeegbèè nyiŋ nyàŋ sìwè. Wò naŋ nyɛ̀nɛ̀ŋ anyùùŋ aŋ nyiŋ yɛmɛ̀ nààŋ àŋ yaà nyiŋ wa kòasùà mààŋ aŋ ɗò ɗùà e ɓùlauŋ nɛ̀ sùà.

1Time 6:15

E hnàauŋ nɛ̀ do naŋ nɔ̀ŋ e teenga kɛnɛɛ̀ wo Dayà naŋ jàà e ɓula lɛ̀, wuŋ guùŋ nɔŋ nàŋ yaà wo Kana jòèyeɔ̀, wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔɔŋ nyaŋ gbiŋ diɛŋ.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.