1 Kɔliìŋ 15:23 - WƆŊ FƐ̀Ì EBÒ SÌÀŊ DAYÀA

²³ Wo nyùùŋ gbiŋ do nàŋ yèwè e fàaà dìì e ɗewe kii titi bà sùà, wo Jisɛ̀ Kulaì, wuŋ jiɛ̀, kpeiŋ e tèèngà hnàuŋ nɛ̀ sùà, aŋ yè nyaŋ yaà weèuŋ nyàŋ wo nyiŋ hiàŋ.

1 Kɔliìŋ 15:23 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

1 Kɔliìŋ 15:20

Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.

1 Kɔliìŋ 3:23

kɛɛ nyɛ̀iŋ nìŋ yaà wèè Jisɛ̀ Kulaì, yèè wo Jisɛ̀ Kulaì yaà wèè Dayà.

1 Kɔliìŋ 6:14

Wo Dayà naŋ gè wo Kanaà e fàa dìì, yèè wò do wi nàŋ gè e fàaà dìì e gaàuŋ nɛ̀ sùà.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Gàla 5:24

E kìlà esàɓù e nɔŋ wilɛ̀ wèè wo Jisɛ̀ Kulaì, è jìwà e ɗèwè yàwi biɛ̀ yèè e ɗèwè maŋ kèìŋ nyuùŋkpùuŋ màŋ.

Fèle 3:11

wèè kɛ̀ ke jii tùlia sùà, wo Dayà doim nàŋ gè e fàaà dìì wɔŋ nyiiŋ gèeɔ̀ sùà miàŋ pɛɛ.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,