1 Kɔliìŋ 15:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.

1 Kɔliìŋ 15:20 ပူးပေါင်းရင်းမြစ်များ

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

1 Kɔliìŋ 15:23

Wo nyùùŋ gbiŋ do nàŋ yèwè e fàaà dìì e ɗewe kii titi bà sùà, wo Jisɛ̀ Kulaì, wuŋ jiɛ̀, kpeiŋ e tèèngà hnàuŋ nɛ̀ sùà, aŋ yè nyaŋ yaà weèuŋ nyàŋ wo nyiŋ hiàŋ.

1 Kɔliìŋ 15:6

E kìlà wò naŋ ɓɛìŋ fòlò aŋ wùìya nyàŋ bà feìŋ àŋ nìàŋ anyùùŋ hɔ̀nɔ̀ɔ̀ nɔɔnɔŋ e tèèngà guùŋ diɛŋ aŋ yè nyaŋ aŋ bà nyiŋ kòò àŋ yaà fuɔŋ nyàŋ, jòòpɛɛ aŋ bà nyiŋ naàŋ fà.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

1Tɛsè 4:16

Ke miè kpàaŋ tɔ̀ɔ̀ ke nyɛ̀nɛŋ nàŋ do nàŋ fòlò, yaà ke mìè wo sìèfèìŋ aŋ màikàa, yèè e gììmè e pòtànàŋ Dayàa, kɛ̀ wo Kanaà Jisɛ̀ wuŋ bi do nàŋ dèyè e yìwìà ko àìjɛnɛ̀ŋ. Anyuùŋ hààwè Jisɛ̀ Kulaì nyaŋ naŋ wa fɔ̀ nyaŋ nyiŋ jiɛ̀ nàŋ yewe e dìì,

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 14:13

E teenga lɛɛ̀ sùà, mìŋ naŋ kòmò ke mìè gbòa e yìwìà ko àìjɛnɛ̀ŋ kè naŋ woò wààŋ, “Sìngà tɛɛ̀, e zɔlɔ̀ yaà anyùùŋ nyaŋ gbiŋ e yìwìà nàaŋ, àŋ do nàŋ fɔ̀ɔ̀yɛ̀ e tòmò Kanaà Jisɛ̀ sùà nyaŋ!” Wo Jinàŋ Nɛɛmaàŋ naŋ fasàì wààŋ, “Tɛɛ̀ yaà tɔ̀ɔ̀nyaàŋ, àŋ do nàŋ gè nyiiŋ wèè e tòmo nyìngaà àŋ naŋ nyɛ̀nɛ̀ŋ lɛ, esaɓù kɛ̀ e jìwààjɛ̀wɛ̀ e tòmo nyiŋ nɛ̀ do nyiŋ nàŋ nɔ̀ŋ maŋjɛ̀wɛ.”