1 Kɔliìŋ 15:2 - WƆŊ FƐ̀Ì EBÒ SÌÀŊ DAYÀA

² Tiŋ nàŋ yaà e tɔɔɓaaà, ke miè gbìàŋ Ebò Siaàŋ mìŋ naŋ wòò ko nɛ̀ɛ̀ŋ niìŋ lɛ. E hààweɛ̀ èiŋ joeyè sèè nìŋ kùwò niìŋ kpaŋ, sɔɔ̀ zà naŋ wa nɔŋ haawè wèè foo.

1 Kɔliìŋ 15:2 ပူးပေါင်းရင်းမြစ်များ

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 8:13

Wo Saimɔ̀ŋ wuŋ bi naŋ wa haawè, yèè nààŋ wò naŋ wa nɔ̀ŋ gùauŋ, wò naŋ dè wo Felè maŋjɛ̀wɛ. È nauŋ wa foonò nààŋ wò naŋ wa yɛ̀mɛ̀ maŋ kèè mèè maŋ yèè maŋ tɔ̀ɔ̀màŋsèì keì maŋ wo Felè yaà wa nyinie màŋ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 15:14

Sèè wo Dayà gò wa weè gè wò Jisɛ̀ Kulaì è fàa dìì, kɛ̀ e nɛ̀ɛŋ gbiŋ è naŋ wòò ko nɛ̀ɛŋ niìŋ lɛ̀ è yaà wèè foo, yèè niŋ kuwà è nɛ̀ŋ bà wèè naŋ haawè.

2 Kɔliìŋ 2:15

È yààìŋ mààŋ e nɛ̀ŋ dò siaŋ wo Jisɛ̀ Kulaì naŋ kìɛ̀ŋ Dayà, e yèɛ naŋ ɓààyè anyùùŋ nyaŋ gbiŋ do nàŋ jòèyè nyaŋ, yèè aŋ yè nyaŋ gbiŋ do nàŋ go nyàŋ e fèemàŋ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Gàla 3:4

Maŋ keì nyìnga màŋ gbiŋ nìŋ naŋ wa kɔ̀ dìì maŋ, naŋ wa nɔ̀ŋ wèè foo? Tɔɔɓaa maŋ fè wa è wèè foo!

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

Hiɓu 10:23

Kùwà wiìŋ koɓɛ̀ guùŋ kpaŋ wèè ke jii tùliaà è woàìŋ kɛ̀ kè yaà weè wilɛ̀, esaɓù kɛ̀ èiŋ ɓɛ̀nɛ̀ŋ kɛ̀ɛ̀nɛ̀ŋ e hààwe wo Dayà sùà wèè e ɗààhiìɛ wò naŋ banè lɛ ko nɛ̀ɛ̀ŋ wiì.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Jìiiŋ 2:14

Nyɛ̀iŋ nààŋ wùìyaim nyàŋ, kiìŋ nàŋ yaà e jìwààjɛ̀wɛ̀ siaàŋ wèè wo nyùùŋ woò kɛ̀ wò kuwa e hààwe kɛɛ maŋ nyɛ̀nɛuŋ màŋ fè niŋ tɔɔ̀? Sèè wo nyùùŋ kùwìè e hààwe mààŋ tii èuŋ ɓɛ̀nɛ̀ŋ joeyè?

Jìiiŋ 2:17

Yɛi e hààweɛ̀ yaà, sèè e hààweɛ̀ e nɔ̀ŋ tiŋ guùŋ ke kpèè siaŋ bà gbiŋ gò niŋ nɔ̀ŋ màŋjɛ̀wɛ è yaà e hààwe fàa.

Jìiiŋ 2:26

Weètii, nààŋ nɔŋ wo jinàaŋ folo wo nyuùŋ kpùnɔɔ̀ŋ sùà kɛ̀ wò fà lɛ, yɛi nɔŋ è yaà sèè ke kpèè ke gò nɔ̀ŋ è hààwe màŋjɛ̀wɛ è yaà e hààwe fàa.