1 Kɔliìŋ 15:19 - WƆŊ FƐ̀Ì EBÒ SÌÀŊ DAYÀA

¹⁹ Sèè ke jii tùlia wiɛ̀ wo Jisɛ̀ Kulaì sùà e nɔŋ nɔ̀ŋ wèè wɔŋ nyiiŋ wɛɛ̀ŋ sùà e bà gbiŋ gò ɓɛìŋ nɔ̀ŋ jɛ̀wɛ̀, kɛ̀ e kii wilɛ̀ kuwa ke nyowo zimgbe e nìàŋ nyùùŋ gbiŋ e ɗuunyaŋ lɛɛ̀.

1 Kɔliìŋ 15:19 ပူးပေါင်းရင်းမြစ်များ

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luù 8:14

Manɛ̀ŋ koei màŋ naŋ sɔ̀ɔ̀ maŋ dɛ̀ɛ̀ maŋ dɛiŋ màŋ sùà maŋ, nàŋ yaà anyùùŋ nyaŋ komo ke mìè gbìàŋ Dayàa nyàŋ. Kɛɛ àŋ sɛɛ̀ jii wèè manɛ̀ŋ maŋ e ɗuunyaàŋ, yèè àŋ kamàŋ ɗewe wèè aŋ banè, e kìlà aŋ jìkà manɛ̀ŋ maŋ kiɛ̀ŋ nyiìŋ nyɛɛnkɛŋ wɔŋ nyiiŋ gèe wɛɛ̀ŋ sùà, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 2:4

Wo kààlòòɗùàa yaà ke di e tòmouŋ nɛ̀ diɛŋ wɔ̀, manaŋ wo kìɛ̀ŋ ke jii fàa koɓɛ̀ kaaloɔ̀ sìaùŋ feìŋ wɔ, weètii wo fè kpùlìà kè nyɛ̀nɛ̀ŋ nyiiŋ gèeuŋ nɔɔ̀ŋ kè jè ànyuùŋ nyaŋ fè àŋ kààlòòɗùà nyaŋ.

2Time 3:12

Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

Maŋ kèì nyɛɛnɛŋ 14:13

E teenga lɛɛ̀ sùà, mìŋ naŋ kòmò ke mìè gbòa e yìwìà ko àìjɛnɛ̀ŋ kè naŋ woò wààŋ, “Sìngà tɛɛ̀, e zɔlɔ̀ yaà anyùùŋ nyaŋ gbiŋ e yìwìà nàaŋ, àŋ do nàŋ fɔ̀ɔ̀yɛ̀ e tòmò Kanaà Jisɛ̀ sùà nyaŋ!” Wo Jinàŋ Nɛɛmaàŋ naŋ fasàì wààŋ, “Tɛɛ̀ yaà tɔ̀ɔ̀nyaàŋ, àŋ do nàŋ gè nyiiŋ wèè e tòmo nyìngaà àŋ naŋ nyɛ̀nɛ̀ŋ lɛ, esaɓù kɛ̀ e jìwààjɛ̀wɛ̀ e tòmo nyiŋ nɛ̀ do nyiŋ nàŋ nɔ̀ŋ maŋjɛ̀wɛ.”