1 Kɔliìŋ 15:1 - WƆŊ FƐ̀Ì EBÒ SÌÀŊ DAYÀA

¹ Mìŋ manaŋ wèè kao dìkà maŋ jiiiŋ màŋ, nyɛ̀iŋ nààŋ wùìyaim nyàŋ, koɓɛ̀ Ebò Siaàŋ mìŋ yaà woo ko nɛ̀ɛ̀ŋ niìŋ lɛ, e yèɛ nìŋ naŋ jàà kùàŋ dìì lɛ, yèè e yèɛ nìŋ sia diɛŋ lɛ̀.

1 Kɔliìŋ 15:1 ပူးပေါင်းရင်းမြစ်များ

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Nyɛ̀nɛ̀ŋ 11:1

Aŋ keela tàeɗùù nyaŋ yèè anyuùŋ hààwe nyàŋ ko Jùdià kòmàŋ kɛ̀ anyùùŋ nyaŋ fè àŋ Juùù nyaŋ jàà ke mìè gbìàŋ Dayàa kùàŋ dìì.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Luùm 11:20

Tɛɛ̀ è yaà tɔɔɓaa. Wo Dayà naŋ nyiŋ wa jàà e ɓula esàɓù e hààwe gò kɛɛnɛ̀ŋ nyiŋ nɛ̀, yèè mùŋ jaa naàŋ ko jɛ̀i nyiŋ niìŋ, esaɓù kɛ̀ mùŋ kuwa e hààwe. Ɓɔ̀ mùŋ ɓemè muàŋ bi gbee weè niŋ, kɛɛ e jùù e nɔ̀um.

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

Luùm 5:2

Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

1 Kɔliìŋ 3:6

Miàŋ naŋ nyùɔ̀ŋ ke kuù kòmàaŋ, wo Àpolò naŋ gɔ̀àà ke kuù wùìyèɛ maŋ màì, kɛɛ wo Dayà naŋ nyɛ̀nɛ̀ŋ ke kuù kòmàaŋ naŋ wùìyè.

1 Kɔliìŋ 4:15

Sèè weè pɛɛ naŋ kùwìè anyuùŋ yɛ̀mɛ̀ e kiiŋ dììo sùà e sɔ̀ngɔ̀ tààsùùŋ zììyà maŋ nyììŋ gè anyuùŋ hààwe nyàŋ sùà, nìŋ kuwa nɔ̀ŋ wo dèda guùŋ. Maŋ nyiiŋ gèeiŋ màŋ e nɔ̀iŋ aŋ bàiŋbà Jisɛ̀ Kulaì sùà, mìŋ naŋ nɔ̀ŋ wo dèdaiŋ esaɓù kɛ̀ miàŋ naŋ hìɛ̀ŋ ke mìè gbìàŋ Ebò Siaàŋ ko nɛ̀ɛ̀ŋ niìŋ.

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.