1 Kɔliìŋ 14:6 - WƆŊ FƐ̀Ì EBÒ SÌÀŊ DAYÀA

⁶ E wèètii nyɛ̀iŋ nààŋ wùìyaim nyàŋ, sèè mìŋ hnàŋ ko nɛ̀ɛ̀iŋ niìŋ, kiìŋ kpùùmaŋ mìŋ naiŋ ɓɛ̀nɛ̀ŋ kìɛŋ sèè mìŋ gbuuyà maŋ kaìŋ joo sùà? E kpùùmaŋ gbiŋ fè niìŋ sùà, sɔɔ̀ kaiŋ hìàŋ èbò dààne è yìwìà Dayà sìwè ɔ̀ɔ̀ e jiikɛ̀ɛ ɔ̀ɔ̀ ke miè gbìàŋ aŋ wɛ̀ijì nyaŋ ɔ̀ɔ̀ e kàa.

1 Kɔliìŋ 14:6 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Maafiù 16:26

Kiìŋ è do nàŋ nàfà wo nyùùŋ sèè wo kɛ̀ɛ̀nɛ̀ŋ e bànè ɗuunyaàŋ gbiŋ, kpeiŋ wo gò wɔŋ nyììŋ jinàuŋ nɔɔ̀ŋ? Muŋ kuwà è nɛ̀ŋ gbiŋ maŋ kiɛ̀ŋ wèè maŋ ɓɛìŋ yɛ̀mɛ̀ wɔ̀ŋ nyiiŋ mɔɔ̀ŋ.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Luùm 15:14

Wùìyaim nyàŋ, mìŋ kuwa ke jii tùlia kɛ̀ nìŋ kuwa maŋ kpèè siaŋ zimgbe, yèè nìŋ kuwa e jiikɛ̀ɛɛ̀ gbiŋ, e kìlà nàŋ ɓɛ̀nɛ̀ŋ kàà aŋ dàwiiŋ nyàŋ.

Luùm 16:17

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

Luùm 6:17

Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

1 Kɔliìŋ 14:1

Kpeiŋ kɛ̀ e mànaŋ nàŋ yaà e nɛ̀ɛŋ wèè naŋ kamè. Maŋ kìɛ̀ŋ Jìnàŋ Dayàa maŋ nɔ̀iŋ jii, kaka ngèè e kìɛ̀ŋ ke mìè gbìàŋ aŋ wɛ̀ijì nyaŋ.

1 Kɔliìŋ 14:7

Sèè manɛ̀ŋ wùìya màŋ gbiŋ weè fè e gììmè guùŋ kpò, diè nìŋ henàŋ nyìmè e fèèmàŋ e gììmè e ɓuu yaà e gììmè ke kɔningai?

2 Kɔliìŋ 11:6

Miŋ fè wɔ̀i ɓɛ̀nɛ̀ŋ gbòa tɛ̀ɛ̀ màànààŋ àŋ gboo lɛ̀, kɛɛ e fè wèè è jiikɛ̀ɛ sùà, èiŋ tɛɛ̀ nyɛ̀nɛ̀ŋ nàŋ niŋ nyìmàŋ e teenga gbiŋ sùà, yèè e nɔ̀ŋ kii kà tinàŋ gbiŋ sùà.

2 Kɔliìŋ 12:1

Mìŋ yaà kɛ̀ɛ sùà maŋ nyòngà jòòpɛɛ e jìwà jɛ̀wɛ̀ fè miìŋ màŋjɛ̀wɛ̀. Kɛɛ mìŋ do nàŋ wòò e kèè maŋ gɔ̀à gò e jɛ̀ì yèè maŋ bò dààne màŋ wo Kanaà naim fè maŋ.

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 3:4

Sèè nìŋ do nàŋ kpɛ̀nɛ̀ŋ e nɛ̀ɛŋ mìŋ naŋ sìngè lɛ, nìŋ do kai nàŋ nyìmè e ɗeweɛ̀ mìŋ naŋ jàà e kèè ke gbùnù Jisɛ̀ Kulaìɛ jii lɛ̀.

Fèle 3:15

Yàwi nààŋ gbiŋ naiŋ kamàìŋ maŋ nyiiŋ gèe wi màŋ sùà nààŋ è yààìŋ anyuùŋ hààwe nyàŋ, kuwa eiŋ kɛ̀ɛ̀nɛ̀ŋ e gòngo mààŋ tɛɛ̀. Kɛɛ sèè nyɛ̀iŋ nààŋ bà guùŋ kɛɛnɛ̀ŋ e gòngo joo bà, wo Dayà do niŋ nàŋ nyɛ̀nɛ̀ŋ e nɔ̀ŋ janjai ko nɛ̀ɛ̀ŋ muìŋ.

2Time 2:14

Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

2Time 3:16

Maŋ mìè gbòa màŋ gbiŋ wɔŋ fɛ̀ì Dayàa sùà, màŋ yewe wo Dayà sìwè yèè màŋ yaà tɛ̀ɛ̀ wèè tòòmo, wèè e tɔ̀ɔ̀nyaàaŋ kàa, maŋ gè maŋ keì naanààŋ pɛɗì, maŋ dè nyùùŋ ke dòmaŋ siaŋ diɛŋ sèè wò nyɛnɛŋ keì ɓàa, yèè maŋ kàà nyùùŋ wo nɔ̀ŋ tɛ̀ɛ̀ wɔŋ nyììŋ gè e tɔ̀ɔ̀nyaàŋ sùà,

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

2Pììlɛ 1:5

Wèè esàɓù guùŋ nɛɛ̀ sùà, fɛ̀ɛìŋ niŋ tooyà e hààweiŋ nɛ̀ e tɛ̀ɛ̀tɛ̀ɛ̀, yèè tòòyaìŋ e tɛ̀ɛ̀tɛ̀ɛ̀iŋ nɛ̀ e jiikɛ̀ɛ,

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

2Jɔ̀ɔŋ 1:9

Wo nyùnɔ̀ɔŋ gbiŋ gò jèè è kàà kìì Kulaì lɛɛ̀ diɛŋ wɔ̀, kɛɛ wo nììnyàŋ e kàà kii bi wɔ̀, wo kuwà Dayà kè jiiuŋ nɛɛ̀ŋ sùà. Wo nyùnɔ̀ɔŋ gbiŋ naŋ jèè e kàa kii lɛɛ̀ diɛŋ wɔ̀ wò kuwa wo Dèdaà yèè wo Jɔ̀àfelaauŋ nɔɔ̀ŋ ke jiiuŋ nɛɛ̀ŋ sùà.