1 Kɔliìŋ 14:37 - WƆŊ FƐ̀Ì EBÒ SÌÀŊ DAYÀA

³⁷ Sèè wo nyùùŋ gbiŋ naŋ gongò kɛ̀ wò yaà wo wɛ̀ijì ɔ̀ɔ̀ wò kuwa e kìɛ̀ŋ Jinàaŋ, wo nyìmàŋ kɛ̀ e nɛ̀ɛŋ mìŋ yaà sìnga sùà ko nɛ̀ɛ̀iŋ niìŋ lɛ, ke sàwà Kanaà ye.

1 Kɔliìŋ 14:37 ပူးပေါင်းရင်းမြစ်များ

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

1 Kɔliìŋ 14:29

Aŋ wɛ̀ìjì tìyèe ɔ̀ɔ̀ taai aŋ yè nyaŋ wo Dayà naŋ fè ke miè gbìauŋ nɛɛ̀ŋ nyaŋ aŋ gbòà, anyuùŋ gbànaŋ nyàŋ aŋ tùàŋ e nɛ̀ŋ wòo nyiŋ nɛ̀ maŋ nɔnɔŋ.

1 Kɔliìŋ 14:36

Ɓàà ko nɛ̀ɛ̀iŋ niìŋ ke mìè Dayàa naŋ tɔɔtù? Ɓàà ko nɛ̀ɛ̀iŋ niìŋ zà nɔŋ kè naŋ hnè?

1 Kɔliìŋ 14:38

Kɛɛ sèè wo nyùùŋ gbiŋ gò kìlà wèè wo yɛ̀mɛ̀ è nɛ̀ɛŋ mìŋ yààìŋ sìnga sùà lɛ, ɓɔ̀ nìŋ kìlà nìŋ douŋ yɛmɛ̀.

1 Kɔliìŋ 2:15

Wo nyùnɔ̀ɔŋ gbiŋ kuwa wo Jìnàŋ Dayàa wɔ̀, wò ɓɛ̀nɛ̀ŋ gbàì gbììŋ gbììŋ nɛ wèè e keì gbiŋ, kɛɛ wo nyùùŋ gbiŋ fòuŋ ɓɛ̀nɛ̀ŋ tùàŋ màŋ nɔnɔŋ.

1 Kɔliìŋ 3:1

Tɔɔɓaa tiŋ, nyɛ̀iŋ nààŋ wùìyaim nyàŋ, miŋ fèiŋ wa ɓɛ̀nɛ̀ŋ gbòà kɔɔ mààŋ anyuùŋ kùwìè Jìnàŋ Dayàa, mìŋ kuwa wa nɔ̀ŋ wèè kaiŋ gbòà kɔɔ mààŋ anyùùŋ nyaŋ yaà maŋ kpèè ɗuunyaŋ màŋ maŋjɛ̀wɛ nyàŋ, mààŋ aŋ jɔaa wo Jisɛ̀ Kulaì sìwè.

1 Kɔliìŋ 7:25

E yèɛ nìŋ naŋ sìngè nyaàiŋ dè anyuùŋ gò kùwìè àŋ jɔùŋ ɔ̀ɔ̀ felaa nyàŋ lɛ, miŋ kuwà kè sàwà è yìwìà wò Kanaà sìwè, kɛɛ mìŋ yaà tɔ̀ɔ sùà e yèɛ yaà e gòngo mɛ̀ sùà mààŋ wo yèɔ esàɓù ke nyòwò Kanaà sùà wò naŋ banè e bànè ke jii tùlia wɔ̀.

1 Kɔliìŋ 7:40

E ɗewe gbiŋ sùà, kà gongò kɛ̀ mìŋ yaà jɔ̀ɔ̀lɔ sùà wo Jìnàŋ Dayàa dìì nààŋ mìŋ naŋ woò mìàŋ wò do nàŋ nɔ̀ŋ ke jii fà zimgbe sùà sèè wò jeeà e kpào lɛ̀.

1 Kɔliìŋ 8:2

Anyùùŋ nyaŋ gongà kɛ̀ àŋ naŋ nyìmè e nɛ̀ŋ nyaŋ, aŋ nyimààŋ è nɛ̀ɛŋ gbiŋ àŋ henàŋ nyìmè lɛ.

2 Kɔliìŋ 10:12

E fèiŋ gbɛ̀ɛ̀nɛ̀ŋ yàwi bi kòɓɛ̀ ànyùùŋ nyaŋ yè nyaŋ gongà tiwìtiwì wèè nyiŋ bi nyàŋ. Kɛɛ àŋ naŋ zuwò wèè aŋ gbɛ̀ɛ̀nɛ̀ŋ nyiŋ bi koɓɛ̀ nyiŋ biì.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

Gàla 6:8

Sèè naŋ nyùàŋ e yìwìà e ɗèwè maŋ kèìŋ nyuùnkpùuŋ màŋ sùà, nìŋ do naŋ kpàà e nànàŋ fàa e yìwìà e ɗèwe bi sùà, kɛɛ sèè naŋ nyùàŋ e yìwìà e ɗèwè wo Jìnàŋ Nɛɛmaàŋ sùà, nìŋ do wa nàwèè naŋ kpàà wɔŋ nyiiŋ gèe gò jùà.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

Juù 1:17

Kɛɛ nyɛ̀iŋ nààŋ dàwi mànaim nyàŋ, jàaìŋ maŋ keì maŋ aŋ kèèlà tàeɗùù Kana wiɔ̀ Jisɛ̀ Kulaì naiŋ wa woò e gɔuo sùà lɛ jii.