1 Kɔliìŋ 14:3 - WƆŊ FƐ̀Ì EBÒ SÌÀŊ DAYÀA

³ Kɛɛ, anyùùŋ wòò ke mìè gbìàŋ wɛ̀ijì nyaŋ àŋ gboo anyùùŋ kɔɔ wèè e nɔ̀ŋ e kpùùmaŋ e nyɛ̀nɛ̀ŋ e hààwe wilɛ̀ e nyìngà sùà, aŋ nyiŋ sìà ke ɗi, yèè aŋ nyiŋ fè jii nyingè.

1 Kɔliìŋ 14:3 ပူးပေါင်းရင်းမြစ်များ

Luù 3:18

Wo Jɔ̀ɔŋ naŋ wa pɔ̀wɔ̀ anyùùŋ nyaŋ maŋ dòmaŋ nyaaŋ zimgbe sùà yèè wò naŋ nyiŋ wòò Ebò Siaàŋ.

Nyɛ̀nɛ̀ŋ 13:15

Nààŋ anyùùŋ nyaŋ naŋ kpɛ̀ɛ̀yɛ̀ maŋ sàwà Dayà maŋ yèè maŋ fɛi màŋ aŋ wɛ̀ijì nyaŋ naŋ sìngè maŋ kpɛ̀nɛŋ, aŋ sìèfeìŋ nyaŋ ko sààŋ zòòlò aŋ Juùù nyaŋ naŋ tùɔ̀ŋ wo nyùùŋ koɓɛ̀ wo Pɔɔ̀ yaà wo Bànaŋɓà koɓɛ̀i àŋ jaa lɛ̀ yèè wò naŋ nyiŋ woò wààŋ, “Wùìya wi nyàŋ, sèè nìŋ kɛɛnɛ̀ŋ e keì bà gbiŋ wèè naŋ wòò anyùùŋ nyaŋ e yèɛ naŋ nyiŋ ɓɛ̀nɛ̀ŋ kìɛ̀ŋ ke jii nyingè lɛ, nàŋ niŋ ɓɛ̀nɛ̀ŋ wòo.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Luùm 12:8

Sèè mààŋ è kuwa eiŋ kìɛ̀ŋ aŋ dàwi wi nyàŋ maŋ jii nyingè, kìɛŋ wììŋ nyiŋ maŋ jii nyingè. Sèè è mɔnɔŋ wèè eiŋ kìɛ̀ŋ aŋ dàwi wi nyàŋ, kìɛŋ wììŋ nyiŋ e mànaŋ sùà. Sèè mààŋ è yààìŋ aŋ ɓɛ̀màŋɗì anyùùŋ, nyɛ̀nɛ̀ŋ wiìŋ e tɛ̀ɛ̀tɛ̀ɛ̀ wilɛ̀ wèè e nɔ̀iŋ e tɔ̀ɔ̀nyaàŋ sùà ko nɛ̀ɛ̀ŋ nyiŋ niìŋ. Sèè è mɔnɔŋ wèè eiŋ tɔ̀ɔ̀ ke nyowo koɓɛ̀ aŋ dàwi wi nyàŋ, nyɛ̀nɛ̀ŋ wììŋ niŋ e ɓɛ̀ɛ̀jàa sùà.

Luùm 14:19

Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà.

Luùm 15:2

Gòngò wiìŋ wèè e tuwò nyiŋ tɛ̀ɛ̀ wèè e kèì sìàŋ nyiŋ bi lɛ̀, wèè kɛ̀ è naiŋ nyiŋ ɓɛ̀nɛ̀ŋ kpùùmaŋ wèè e nyɛ̀nɛ̀ŋ e hààwe nyiŋ nɛ̀ nyìngà sùà.

1 Kɔliìŋ 10:23

“È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” tii àŋ woà. Tɛɛ̀ yaà tɔɔɓaa, kɛɛ e nɛ̀ɛŋ gbiŋ nààŋ fè tɛ̀ɛ̀. “È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” kɛɛ e nɛ̀ɛŋ gbiŋ nààŋ fè kpuumàŋ.

1 Kɔliìŋ 14:12

Nààŋ nìŋ naŋ haamìŋ wèè naŋ kùwìè e kìɛ̀ŋ Jìnàŋ Nɛɛmaàŋ lɛ, sɔɔ̀ naŋ fɛ̀ɛ̀ e nìàŋ manɛ̀ŋ maŋ gbiŋ wèè naŋ tòòmò anyùùŋ nyaŋ naŋ kpuumò wèè ke sààŋ Dayàa yɛ̀mɛ̀ nyɛ̀lɛ nyàŋ.

1 Kɔliìŋ 14:17

Sèè weè pɛɛ e zòòlò Dayà gè sɛ̀ mùɔ̀ŋ e nɔ̀ŋ tɛ̀ɛ̀, anyuùŋ gbànaŋ nyàŋ fè yɛ̀ɛ̀mɛ̀ è kpùùmaŋ bà gbiŋ.

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

1 Kɔliìŋ 14:31

Nyɛ̀iŋ nààŋ gbiŋ nàŋ ɓɛ̀nɛ̀ŋ ke mìè gbìàŋ aŋ wɛ̀ijì nyaŋ wòo, guùŋ guùŋ, e wèè nyɛ̀iŋ nààŋ gbiŋ naŋ gbeè, e kìlà naŋ kùwìè jii nyingè.

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

2 Kɔliìŋ 1:4

Wò naŋ wi kpuumò maŋ keì nyìnga wi màŋ gbiŋ sùà, wèè kɛ̀ yàwi pɛɛ eiŋ kpùùmàŋ anyùùŋ nyaŋ nyiŋ pɛɛ àŋ yaà maŋ keì nyìnga gɛ̀wɛɛ̀ gbiŋ sùà nyaŋ. È yààìŋ tòòmò e kpùùmàŋ guùŋ nɛ yàwi bi è naŋ yɛmɛ̀ e yìwìà Dayà sìwè lɛ.

2 Kɔliìŋ 2:7

E ɗewe gbiŋ sùà, nìŋ kuwa nauŋ jùùyà hakɛ̀ yèè nauŋ fè ke jii nyingè, e wèè ke nyowo gouŋ nàŋ mààŋ nyiiŋ zimgbe wo dàà kùàŋ kpɛlɛmɛɛŋ.

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Ɛfesɔ̀ 6:22

Wèè esaɓù lɛɛ̀ mìŋ yàaùŋ tùaŋ sùà ko nɛ̀ɛ̀iŋ niìŋ wèè woiŋ gbàì jii e ɗeweɛ̀ yàwi nààŋ gbiŋ e kɔɔ wilɛ̀ yaà lɛ, yèè woiŋ nyììnè maŋ jii.

Kòlo 4:8

Mìŋ yàaùŋ tùàŋ sùà ko nɛ̀ɛ̀iŋ niìŋ wèè esaɓù lɛɛ̀, wèè woiŋ gbòà kɔɔ wèè naŋ kɛ̀ɛ̀nɛ̀ŋ maŋ jii nyingè yaà e zɔlɔ̀, e kìlà wò doiŋ nàŋ wòò e yèɛ yàa wì kaaiŋ lɛ̀.

1Tɛsè 2:11

Nàŋ nyìmàŋ kɛ̀ è naŋ kùwò nyɛ̀iŋ nyɛɛ̀ŋ bà gbiŋ mààŋ e ɗeweɛ̀ wo nyuùŋ kòmaŋ kuwo aŋ jɔ̀àuŋ nyàŋ lɛ̀.

1Tɛsè 2:3

Ke jii nyingèɛ è naiŋ kiɛ̀ŋ wèè naŋ kìlà koɓɛ̀ Dayài lɛ e gò nyɛ̀nɛ̀ŋ è keì ɓàa ɔ̀ɔ̀ e niŋ nyɛ̀nɛ̀ŋ è gòngo kùwà ninaŋ sùà, e kìlà e gòiŋ fɛ̀ɛ wèè e zùwò nyùùŋ gbiŋ.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

1Tɛsè 4:18

Tòòmoìŋ maŋ mìè gbòa mɛɛ̀ŋ e fèemàŋ niŋ sìà nyɛ̀iŋ bi ke di.

2Tɛsè 3:12

E dèè Kanaà Jisɛ̀ Kulaìɛ sùà, è nàà anyùùŋ nyɛɛ̀ŋ yèè è nyiŋ fè e gòo wèè aŋ dè maŋ nyiiŋ nyiŋ màŋ ke dòmaŋ kɛnɛ diɛŋ, e kìlà aŋ tomo aŋ kamè nɛ̀ŋ wèè nyiŋ bi.

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 4:13

E jèèsùà ka hnàŋ, kɛ̀ɛ̀nɛ̀ŋ ke jii nyingè ko kpìnìè wɔŋ fɛ̀ì Dayàa ko ɓài, e kìlà muŋ gbòà ke mìè Dayàa, yèè muŋ kàa nyiŋ anyùùŋ nyaŋ.

1Time 6:2

Aŋ yè nyaŋ yaà aŋ ɗo anyuùŋ hààwe dìì nyaŋ ɓɔ̀ àŋ niingè àŋ kana nyiŋ nyàŋ fɛ̀ɛ̀, e fèfoo nyiiŋ pɛɛ àŋ yaà anyuùŋ hààwe. Àŋ kuwa aŋ tomo weè nyiŋ tɛ̀ɛ̀ kaiŋ, esaɓù kɛ̀ aŋ yè nyaŋ yɛmɛ̀ e nàfa e yìwìà e tòmo nyiŋ nɛ̀ sùà nyaŋ àŋ yaà anyuùŋ mànaŋ nyiŋ e hààweɛ̀ sùà. Sɔɔ̀ maŋ kàà anyuùŋ nyaŋ, e kìlà maŋ nyiŋ wòò maŋ keì mɛɛ̀ŋ gbiɛŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 1:9

Wo kùwà ke mìè gbìàŋ tɔ̀ɔ̀nyaàŋ wò naŋ gbeè yɛ kpaŋ, ke yèɛ ke jii tùlia yaà sùà lɛ. Wèè e kàà kii siaŋ sìàuŋ nɛ̀ e fè anyùùŋ jii nyingè, e kìlà e dè anyùùŋ nyaŋ gbiŋ giiyà ke mìè gbìaàŋ maŋhɛɛ nyàŋ ke dòmaŋ diɛŋ.

Taitɔ̀ 2:15

Kàà nyiŋ maŋ keì mɛɛ̀ŋ e gaàŋ mɔ̀ɛ̀ sùà, màànààŋ nɔŋ mùŋ fè anyùùŋ nyaŋ kumìàùm nyaŋ maŋ jii nyingè, e kìlà mùŋ dè nyiìŋ dòmaŋ diɛŋ lɛ̀. Ɓɔ̀ mùŋ dangè wò bà gbiŋ doum nììngè fɛ̀ɛ̀.

Taitɔ̀ 2:6

Sià aŋ felaa nyuùŋ bɔwɔ nyàŋ nyiŋ pɛɛ ke di, aŋ nyìmàŋ e ɗèwè nyiŋ bi yɛ̀mɛ̀ diɛŋ.

Taitɔ̀ 2:9

Wòò aŋ ɗo nyàŋ aŋ jɔɔlɔ̀ aŋ kɛ̀ɛ̀nɛŋ nyiŋ nyàŋ dìì e teenga gbiŋ sùà, e kìlà aŋ nyɛ̀nɛ̀ŋ maŋ jii nyiŋ màŋ fà e keì gbiŋ sùà. Ɓɔ̀ àŋ kɛlɛ̀ɛ̀ nyiŋ màŋ mìè gbòa naanààŋ,

Hiɓu 10:25

E bɔ̀mɔ̀ŋ ɓɔ̀ wùìyà wi wèè eiŋ dèènè koɓɛ̀ guùŋ wèè zòòlo, màànààŋ aŋ bà nyiŋ yaà nyinie lɛ̀. Kùùnò wiìŋ kìɛ̀ŋ maŋ jii nyingè koɓɛ̀ aŋ dàwi wi nyàŋ, nààŋ ngèè nìŋ naŋ nyìmè kɛ̀ ke ɗɔɔɛ̀ wèè wo Kanaà wo hnàŋ lɛ, kè kùùnò gbɛ̀ɛ fɔ̀ɔ̀.

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

Hiɓu 3:13

Kɛɛ è yaà tɛ̀ɛ̀ wèè naŋ kìɛ̀ŋ àŋ dàwiiŋ nyàŋ maŋ jii nyingè ke ɗɔɔ gbiŋ, nààŋ nɔŋ ke mìè Dayàa “Nàaŋ” wɔŋ fɛ̀ì Dayàa sùà naŋ woò lɛ. Wo nyùùŋ bà gbiŋ e tɛɛiŋ ɓɔ̀ wò nyɛ̀nɛ̀ŋ kè jiiuŋ nɛɛ̀ŋ kè do nyìngà esàɓù maŋ jùumù maŋ wò do nàŋ nyɛ̀nɛ̀ŋ maŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

Juù 1:20

Kɛɛ sèè è nɔ̀ŋ wèè nyɛ̀iŋ nààŋ dàwi mànaim nyàŋ, kùnoìŋ nɔŋ nyɛ̀nɛ̀ŋ nyɛ̀iŋ bi wèè niŋ nyìngà sùà wèè e hààwè nɛɛmaàŋ nìŋ kuwa lɛ̀. Zòòloìŋ e gààŋ Jìnàŋ Dayàa sùà,