1 Kɔliìŋ 14:26 - WƆŊ FƐ̀Ì EBÒ SÌÀŊ DAYÀA

²⁶ Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

1 Kɔliìŋ 14:26 ပူးပေါင်းရင်းမြစ်များ

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 12:7

Sèè mààŋ è kuwa eiŋ tomo wèè aŋ dàwi wi nyàŋ, tòmò wiìŋ weè nyiŋ. Sèè mààŋ è kuwa eiŋ kàà aŋ dàwi wi nyàŋ, kàaà wììŋ nyiŋ.

Luùm 14:19

Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà.

Luùm 15:2

Gòngò wiìŋ wèè e tuwò nyiŋ tɛ̀ɛ̀ wèè e kèì sìàŋ nyiŋ bi lɛ̀, wèè kɛ̀ è naiŋ nyiŋ ɓɛ̀nɛ̀ŋ kpùùmaŋ wèè e nyɛ̀nɛ̀ŋ e hààwe nyiŋ nɛ̀ nyìngà sùà.

1 Kɔliìŋ 14:15

Kɛ̀ kiìŋ mìŋ nyɛnɛŋ naàŋ? Yàwi jinàŋ miɔ̀ŋ do nàŋ zoolò, e kìlà yàwi jii miɛ̀ŋ e zoolò. Yàwi jinàŋ miɔ̀ŋ do nàŋ gbeemè, e kìlà yàwi jii miɛ̀ŋ e gbeemè.

1 Kɔliìŋ 14:2

Anyùùŋ nyaŋ gboo maŋ kaìŋ joo sùà nyaŋ, aŋ fè gbòà kòɓɛ̀ anyùùŋ sɔɔ̀ koɓɛ̀ Dayài, esaɓù kɛ̀ e nɛ̀ɛŋ àŋ woà lɛ e fè dìkà nyùùŋ è jiikɛ̀ɛ. Àŋ yaà gbùùyè e tɔ̀ɔ̀nyààŋ maŋ gbùnu e gààŋ Jìnàŋ Dayàa sùà.

1 Kɔliìŋ 14:27

Sèè wo nyùuŋ bà nɔ̀ŋ kɔɔyɛ wèè wo gbùùyà wɔŋ kaìŋ joo sùà, anyùùŋ tìyèe ɔ̀ɔ̀ taai nɔŋ naŋ gboo e tèèngà guùŋ guùŋ. Hɔɛ̀ gboo wò yeweo wo bàa woo mààŋ, yèè wo nyùùŋ bà nɔ̀o wo yèɔ gɔì e nɛ̀ɛŋ àŋ naŋ woò lɛ sùà.

1 Kɔliìŋ 14:40

Nyɛ̀nɛìŋ e nɛ̀ɛŋ gbiŋ nààŋ è kanaŋ lɛ̀, yèè e nɔ̀ŋ dòmaŋ diɛŋ.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Ɛfesɔ̀ 4:16

E yìwìà e gaàuŋ nɛ̀ dìì, manɛ̀ŋ è kɔ̀ɔ̀ ke kpùnaàŋ gbiŋ màŋ naŋ ɓɛ̀ɛ̀nɛ̀ŋ koɓɛ̀ guùŋ. Yèè maŋ sunosuno màŋ wo Jisɛ̀ Kulaì naŋ fè ke kpùnaàŋ sùà maŋ, naŋ jàànè ke kpùnaàŋ gbiŋ koɓɛ̀ guùŋ. Wèètii sèè e nɛ̀ŋ è kɔ̀ɔ̀ ke kpùnaàŋ bà gbiŋ nyɛnɛŋ e tòmo nyiŋ nɛ̀ nààŋ è kanaŋ lɛ̀, ke kpùnaàŋ gbiŋ kè dɛɛ̀ ke nyɛ̀nɛ̀ŋ kiŋ bi ke nyìngà sùà esàɓù e mànaŋ.

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Ɛfesɔ̀ 5:19

Sèè nìŋ deenàŋ koɓɛ̀ guùŋ, gbòaìŋ aŋ dàwiiŋ nyàŋ kɔɔ maŋ nùŋ Dayà tɛ̀nɛŋ sùà, yaà maŋ nùŋ nɛɛmaŋ wo jinàaŋ sùà, gbèèmeìŋ maŋ nùŋ Dayà tɛ̀nɛ̀ŋ koɓɛ̀ Kanaà, yèè e tɛ̀nɛŋ maŋ jiiiŋ màŋ sùà.

1Tɛsè 5:11

Wèètii fèeìŋ aŋ dàwiiŋ nyàŋ maŋ jii nyingè, yèè niŋ kpuumàŋ e fèemàŋ màànààŋ nìŋ yaà yɛi nɔŋ nyinie le.