1 Kɔliìŋ 14:21 - WƆŊ FƐ̀Ì EBÒ SÌÀŊ DAYÀA

²¹ Wɔŋ fɛ̀ì Dayàa sùà wo Kanaà naŋ woò wààŋ, “Esàɓù anyuùŋ gbòà maŋ kaìŋ joo sùà wo Kanaà wààŋ, Mìŋ do nàŋ gbòò koɓɛ̀ anyunùim nyàŋ. Mìŋ do nàŋ gbùùyè aŋ nyùnèènyɛiŋ sùà. Kɛɛ Ka yɛi pɛɛ nyɛ̀nɛ̀ŋ anyunùim nyàŋ naàŋ kòmò è nɛ̀ɛŋ mìŋ woà nyiìŋ nɛ.”

1 Kɔliìŋ 14:21 ပူးပေါင်းရင်းမြစ်များ

Jɔ̀ɔŋ 10:34

Wo Jisɛ̀ naŋ nyiŋ woò wààŋ, “Maŋ mìè mɛɛ̀ŋ yaà sìnga miŋ wɔŋ fɛ̀ì maŋ Sàwàiŋ nɔɔ̀ŋ sùà kɛ̀, ‘Nìŋ yaà aŋ dayà.’

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

1 Kɔliìŋ 14:34

aŋ jɔ̀ùŋ jɛi kpɛ maŋ dèènè ke gbòò anyuùŋ hààwe nyàŋ sùà. Aŋ fè nyaàŋ gè diɛŋ nyiŋ wèè aŋ gbòà, nààŋ maŋ sàwà Mòòze màŋ naŋ woò lɛ, ɓɔ̀ àŋ nɔ̀ŋ àŋ sìèfeìŋ.