1 Kɔliìŋ 14:20 - WƆŊ FƐ̀Ì EBÒ SÌÀŊ DAYÀA

²⁰ Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 14:20 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 18:3

Wò naŋ nyiŋ woò wààŋ, “Tɔɔɓaa sèè mùŋ go kìlà maŋ nɔ̀ŋ mààŋ wò jɔ̀àkàiŋ, muŋ naàŋ wa nàwèè kɔ̀ è Kànà àìjɛnɛ̀ɛŋ sùà.

Maafiù 19:14

Yèè wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Dàngeìŋ aŋ jɔ̀àkàiŋ jɔa nyàŋ aŋ hnàŋ ko nɛ̀ɛ̀ŋ miìŋ, ɓɔ̀ nìŋ kilià nyiŋ kùàŋ feìŋ, esaɓù kɛ̀ e Kànà àìjɛnɛ̀ɛŋ è yaà wèè anyùùŋ mààŋ nyɛɛ̀ŋ.”

Maafiù 19:4

Wo Jisɛ̀ naŋ fasàì wààŋ, “Kòò nìŋ kpɛ̀nɛ̀ŋ wɔ̀ŋ fɛ̀ì Dayàa wɔ̀ŋ yèɔ naŋ woò kɛ̀ ko tɔ̀ɔ̀tù e ɗuunyaàŋ wo Dayà naŋ nyiŋ wa banè wo felaa yèè wo jɔùŋ?

Luù 18:17

Mìŋ yààìŋ wòò sùà e tɔɔɓaaà kɛ̀, wo nyùnɔ̀ɔŋ gbiŋ gò jɔ̀ɔ̀lɔ̀ è Kànà Dayàa dìì mààŋ wò jɔ̀àkàiŋ wɔ̀, julɔfɔ wo fè nàwèè kà è kanauŋ nɛ̀ sùà.”

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 16:19

Ke jii naim fɔ̀ esaɓù kɛ̀ anyùùŋ nyaŋ gbiŋ àŋ nyìmàŋ e ɗeweɛ̀ nìŋ jɔɔlɔ̀ wo Kanaà dìì tɛ̀ɛ̀ lɛ. Kɛɛ e tèèngà guùŋ bi sùà, mìŋ manaŋ wèè naŋ nyìmàŋ kɛ̀ kiìŋ nàŋ siaŋ yèè ɓɔ̀ nìŋ kɛɛnɛ̀ŋ è nɛ̀ŋ gbiŋ wèè nìŋ do nyìnìàŋ è keì naanààŋ.

1 Kɔliìŋ 13:11

E teengaà mìŋ yaà wa wo jɔ̀àkàiŋ lɛ̀, mìŋ gboo wa mààŋ wo jɔ̀àkàiŋ, ka gongò mààŋ wo jɔ̀àkàiŋ, Ka jàà keì kùàŋ dìì mààŋ wo jɔ̀àkàiŋ. E teengaà mìŋ naŋ naàŋ kamàìŋ nɛ, kà dàngè maŋ tùwò jɔ̀àkàiŋ.

1 Kɔliìŋ 14:19

Kɛɛ ke gbòò anyuùŋ hààwe nyàŋ sùà, kà mànàŋ wèè ka gbòà maŋ mìè nɔɔnɔŋ maŋ yè maŋ wo nyùùŋ naŋ ɓɛ̀nɛ̀ŋ jàà jii màŋ, e wèè ka kàà anyùùŋ bà, wèè ka gbòà maŋ miè tààsùùŋ guùŋ maŋ kaìŋ joo sùà.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

Ɛfesɔ̀ 4:13

Yèè e wèètii, yàwi nààŋ gbiŋ doiŋ nàŋ hnè ɓɛ̀ guùŋ, koɓɛ̀ e mìèsùàguùŋ nɛ e hààwe wilɛ̀ sùà, yèè e jiikɛ̀ɛ wilɛ̀ sùà nyaàiŋ dè wo Jɔ̀àfèlàà Dayàa, è doiŋ nàŋ nɔ̀ŋ anyuùŋ kàmaiŋ màànààŋ nɔŋ wo Jisɛ̀ Kulaì yaà lɛ, yèè è doiŋ nàŋ nɔ̀ŋ mààŋ wuŋ bi.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

Fèle 3:15

Yàwi nààŋ gbiŋ naiŋ kamàìŋ maŋ nyiiŋ gèe wi màŋ sùà nààŋ è yààìŋ anyuùŋ hààwe nyàŋ, kuwa eiŋ kɛ̀ɛ̀nɛ̀ŋ e gòngo mààŋ tɛɛ̀. Kɛɛ sèè nyɛ̀iŋ nààŋ bà guùŋ kɛɛnɛ̀ŋ e gòngo joo bà, wo Dayà do niŋ nàŋ nyɛ̀nɛ̀ŋ e nɔ̀ŋ janjai ko nɛ̀ɛ̀ŋ muìŋ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.