1 Kɔliìŋ 14:15 - WƆŊ FƐ̀Ì EBÒ SÌÀŊ DAYÀA

¹⁵ Kɛ̀ kiìŋ mìŋ nyɛnɛŋ naàŋ? Yàwi jinàŋ miɔ̀ŋ do nàŋ zoolò, e kìlà yàwi jii miɛ̀ŋ e zoolò. Yàwi jinàŋ miɔ̀ŋ do nàŋ gbeemè, e kìlà yàwi jii miɛ̀ŋ e gbeemè.

1 Kɔliìŋ 14:15 ပူးပေါင်းရင်းမြစ်များ

Nyɛ̀nɛ̀ŋ 21:22

Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Tɔɔɓaa anyuùŋ wi nyàŋ do nàŋ kòmò kɛ̀ kòò mùŋ yaà kià.

Luùm 1:9

Wo Dayà nàŋ yaà wo seì miɔ̀ŋ kɛ̀ e yèɛ mìŋ woà lɛ è yaà tɔ̀ɔ̀nyaàŋ, wo Dayàa mìŋ zoolà e yìwìà wɔŋ nyììŋ jinàŋ miɔ̀ŋ gbiŋ sùà wɔ, mìŋ woà Ebò Siauŋ nɛ̀ e teenga gbiŋ e nyaàiŋ dè wo Jɔ̀àfelaauŋ nɔɔ̀ŋ. Wo Dayà nyìmàŋ kɛ̀ mìŋ jààìŋ jii

Luùm 3:5

Weètii, sèè esàɓù e hààwe gò kɛɛnɛ̀ŋ wilɛ̀ yaà maŋ kpèè naanààŋ wi màŋ tɔɔ̀ kɛ̀ wo Dayà nyɛnɛŋ tɔ̀ɔ̀nyaàŋ, èiŋ ɓɛ̀nɛ̀ŋ wòo wìàà wo Dayà naŋ nyɛ̀nɛ̀ŋ e keì naanààŋ sèè wò tuù e kìlà wo wi nimilà? Tɛɛ̀ do nàŋ nɔ̀ŋ e zùwo sèè mùŋ dawà yɛi.

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

1 Kɔliìŋ 10:19

E keìɛ mìŋ yaà woo lɛ̀ nàiŋ jàà jii kɛ̀ e nɛ̀ŋjè saaà wèè aŋ dayà joo è yaà e nɛ̀ŋ bà? Ɔ̀ɔ̀ kɛ̀ wo dayà joowò yaà e nɛ̀ŋ bà?

1 Kɔliìŋ 14:14

Sèè mìŋ zoolà wɔŋ kaìŋ joo sùà, wo Jinàŋ miɔ̀ŋ zoolà, kɛɛ ke jii miɛ̀ŋ fè nɔ̀ŋ è bàiŋbà.

1 Kɔliìŋ 14:19

Kɛɛ ke gbòò anyuùŋ hààwe nyàŋ sùà, kà mànàŋ wèè ka gbòà maŋ mìè nɔɔnɔŋ maŋ yè maŋ wo nyùùŋ naŋ ɓɛ̀nɛ̀ŋ jàà jii màŋ, e wèè ka kàà anyùùŋ bà, wèè ka gbòà maŋ miè tààsùùŋ guùŋ maŋ kaìŋ joo sùà.

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Fèle 1:18

Tɛɛ̀ fè è keì gbiŋ. E zɔlɔ̀ yààìm weè niŋ, nààŋ àŋ yaà wòò e kèè wo Jisɛ̀ Kulaì, sèè pɛɛ aŋ niŋ nyìnìàŋ tɔ̀ɔ̀nyaàŋ ɔ̀ɔ̀ àŋ go niŋ nyìnìàŋ tɔ̀ɔ̀nyaàŋ diɛŋ. Mìŋ do nàŋ nɔ̀ŋ e zɔlɔ̀ sùà e teenga gbiŋ,

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Jìiiŋ 5:13

Wo nyùùŋ bà yààìŋ tɛɛ wò yaà e keì nyìnga sùà? Wo zoolò Dayà. Wo nyùùŋ gbiŋ yààìŋ tɛɛ wò yaà e zɔlɔ̀ sùà? Ke di nɔ̀uŋ wo dàà maŋ nùŋ Dayà tɛ̀nɛŋ.

Juù 1:20

Kɛɛ sèè è nɔ̀ŋ wèè nyɛ̀iŋ nààŋ dàwi mànaim nyàŋ, kùnoìŋ nɔŋ nyɛ̀nɛ̀ŋ nyɛ̀iŋ bi wèè niŋ nyìngà sùà wèè e hààwè nɛɛmaàŋ nìŋ kuwa lɛ̀. Zòòloìŋ e gààŋ Jìnàŋ Dayàa sùà,