1 Kɔliìŋ 14:1 - WƆŊ FƐ̀Ì EBÒ SÌÀŊ DAYÀA

¹ Kpeiŋ kɛ̀ e mànaŋ nàŋ yaà e nɛ̀ɛŋ wèè naŋ kamè. Maŋ kìɛ̀ŋ Jìnàŋ Dayàa maŋ nɔ̀iŋ jii, kaka ngèè e kìɛ̀ŋ ke mìè gbìàŋ aŋ wɛ̀ijì nyaŋ.

1 Kɔliìŋ 14:1 ပူးပေါင်းရင်းမြစ်များ

Luùm 12:6

Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

Luùm 14:19

Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

1 Kɔliìŋ 12:1

E nɛ̀ɛŋ nìŋ naŋ sìngè e nyaàiŋ dè e kèè maŋ kìɛŋ e yìwìà wo Jìnàŋ Dayà sìwè lɛ. Nyɛ̀iŋ nààŋ wùìyaim nyàŋ, mìŋ manaŋ naŋ nyìmàŋ e tɔɔɓaaà e nyaàiŋ e miŋ dè.

1 Kɔliìŋ 12:31

Kùwieìŋ maŋ kìɛŋ kpɛnɛ màŋ jiiŋ màŋ diɛŋ. E ɗewe gbiŋ sùà, mìŋ doiŋ nàŋ tɔ̀ɔ̀ ke dòmaŋ kɛnɛ.

1 Kɔliìŋ 13:13

E tèèngà guùŋ bi diɛŋ, maŋ kèì ɗì taai mɛɛ̀ŋ nàŋ sia. E hààwe, ke jii tùlia, yèè e mànaŋ, kɛɛ e gbee gàtòɛ nàŋ yaà e mànaŋ.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

1 Kɔliìŋ 14:22

Wèètii maŋ kaìŋ joo gbùùyà sùà è yaà e tɔ̀ɔ̀màŋsèì keì wèè anyuùŋ gò kùwìè è hààwe nyàŋ, kɛɛ e fè wèè ànyuùŋ kùwìè è hààwe nyàŋ. E kìɛɛ̀ŋ wèè ke mìè gbìàŋ aŋ wɛ̀ijì nyaŋ wòo è yaà wèè anyuùŋ kùwìè e hààwe nyàŋ e fè wèè ànyuùŋ gò kùwìè è hààwe nyàŋ.

1 Kɔliìŋ 14:37

Sèè wo nyùùŋ gbiŋ naŋ gongò kɛ̀ wò yaà wo wɛ̀ijì ɔ̀ɔ̀ wò kuwa e kìɛ̀ŋ Jinàaŋ, wo nyìmàŋ kɛ̀ e nɛ̀ɛŋ mìŋ yaà sìnga sùà ko nɛ̀ɛ̀iŋ niìŋ lɛ, ke sàwà Kanaà ye.

1 Kɔliìŋ 14:39

E wèètii nyɛ̀iŋ nààŋ wùìyaim nyàŋ, maŋ jiiiŋ màŋ nɔ̀ŋ e kèè maŋ mìè gbòà aŋ wɛ̀ijì nyaŋ wòo maŋjɛ̀wɛ, kɛɛ ɓɔ̀ nìŋ dangè è kèè màŋ kaìŋ joo gbùùyà sùà.

1 Kɔliìŋ 16:14

Nyìniaìŋ maŋ tòmoiŋ màŋ gbiŋ e mànaŋ sùà.

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

1Tɛsè 5:20

Ɓɔ̀ nìŋ niingè kè mìè gbìàŋ wɛ̀ijì è fɛ̀ɛ̀.

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 2:22

Duàŋ maŋ keì maŋ tawà wo nyuùŋ bɔwɔɔ̀ ke jii sùà maŋ, fɛɛ̀ wèè e tɔ̀ɔ̀nyaàaŋ, e hààwe e mànaŋ, yèè ke jii fàa, nyɛiŋ nààŋ nyùùŋ nyaŋ kuwa maŋ jii sengèì nyaŋ niŋ dawè wo Kanaà Jisɛ̀ Kulaì wèè e kpùùmaŋ.

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

3Jɔ̀ɔŋ 1:11

Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.