1 Kɔliìŋ 13:5 - WƆŊ FƐ̀Ì EBÒ SÌÀŊ DAYÀA

⁵ E mànaŋ fè nɛ̀ŋ mànàŋ tɛɛ, yèè e kuwà kè jii bìa. E mànaŋ fè bànè è kèì nàànààŋ nyùùŋ ko hàa kè jiio sùà.

1 Kɔliìŋ 13:5 ပူးပေါင်းရင်းမြစ်များ

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Maafiù 9:4

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Ɓɔ̀ nìŋ goongòim màŋ keì naanààŋ, nààŋ nìŋ yààìm gbùwa sùà maŋ keì ɗì, esaɓù kɛ̀ mìŋ naŋ woò mìàŋ miàŋ nàŋ yaà wo Dayà.

Luù 7:39

Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”

1 Kɔliìŋ 10:24

Nyɛ̀iŋ nyɛɛ̀ŋ wo bà gbiŋ ɓɔ̀ wò ka è kèè jiiuŋ màŋjɛ̀wɛ, sɔɔ̀ e kèè jìì dàwiuŋ nɔɔ̀ŋ.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

1 Kɔliìŋ 11:18

E jiɛ̀jiɛ̀ɛ nàŋ yaà, àim woò kɛ̀ ke gbòò anyuùŋ hààwe nyàŋ sùà, maŋ gboò sùmìàŋ fèemàŋ màŋ yaà e dèèneiŋ nɛ̀ sùà, yèè kà haawè kɛ̀ tɛɛ̀, e bàiŋ yaà e tɔɔɓaa.

1 Kɔliìŋ 12:25

Wèètii e fèemàŋ gòòno bà gbiŋ fè kè kpùnaàŋ sùà, kɛɛ manɛ̀ŋ è kɔɔ gbàgbà miiŋ gbiŋ kuwa e gòngò guùŋ wèè maŋ dàwi miŋ màŋ.

1 Kɔliìŋ 7:36

Sèè weè mùŋ naŋ dìkìè wo jɔ̀ùŋ jɔ̀à bɛ̀ɛ̀ hàì jɔùŋ jèì kpɔ̀nɔ̀ŋ, yèè mùŋ manaùŋ zimgbe e gòngo mɔ̀ɛ̀ gbiŋ yaà kɛ̀ sɔɔ̀ nɔŋ naŋ jɛi. Kɛ̀ manàuŋ niŋ jɛi e fè jùumù.

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Fèle 2:21

Anyùùŋ nyaŋ gbiŋ gongà nɔŋ wèè e kèì sìàŋ nyiŋ bi lɛ̀, kɛɛ aŋ kuwà è gòngo è nyaàiŋ dè wò Jisɛ̀ Kulaì.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

2Tɛsè 3:7

Nyɛ̀iŋ bi nàŋ nyìmàŋ tɛ̀ɛ̀ kaiŋ kɛ̀ nìŋ kuwa nɔŋ naŋ dè maŋ kpèè wi màŋ maŋjɛ̀wɛ. E gòiŋ nyɛ̀nɛ̀ŋ è kɔɔ fàa è teengaà è yaà kò nɛ̀ɛ̀iŋ niìŋ lɛ.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

2Time 4:16

Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.