1 Kɔliìŋ 13:4 - WƆŊ FƐ̀Ì EBÒ SÌÀŊ DAYÀA

⁴ E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

1 Kɔliìŋ 13:4 ပူးပေါင်းရင်းမြစ်များ

Maafiù 27:18

Wo Paalè wa nyìmàŋ kɛ̀ aŋ màmànkùmɛ̀ŋ aŋ Juùù nyaŋ naŋ wa kìɛ̀ŋ wo Jisɛ̀ ko nɛ̀ɛ̀uŋ niìŋ esaɓù kɛ̀ e kooɛ̀ yaà nyiìŋ wa.

Nyɛ̀nɛ̀ŋ 7:9

“Aŋ jɔ̀àfèlàà Jègɔ nyàŋ naŋ wa gììyè wo nanàŋ nyiŋ nɔɔ̀ŋ Jòòsɛ le koo yèè àŋ nauŋ wa maàŋ e ɗo dìì ko Ijè. Kɛɛ wo Dayà yàaùŋ wa maŋjɛ̀wɛ,

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

1 Kɔliìŋ 4:18

Nyɛ̀iŋ nààŋ bà nyiŋ nìŋ yaà gòngo sùà kɛ̀, miŋ naàŋ ɓɛìŋ hìɛ̀ŋ jààme kò nɛ̀ɛ̀ŋ niìŋ, weètii nìŋ yaà gbùùyè maŋ nyòngà.

1 Kɔliìŋ 4:6

Nyɛ̀iŋ nààŋ wùìyaim nyàŋ, esaɓùiŋ nɛ̀ sùà kà kààìŋ maŋ keì mɛɛ̀ŋ gbiŋ sùà yàwi Àpolò, è yaà tòòmo sùà yàwi bi wèè eiŋ nɔ̀ŋ e tɔ̀ɔ̀màŋseì, wèè naŋ gbèè e fàsàìɛ yaà e wòo lɛɛ̀ sùà lɛ, “Dèeìŋ maŋ sàwà kɛnɛ màŋ maŋjɛ̀wɛ.” Nyɛ̀iŋ nyɛɛ̀ŋ bà gbiŋ, ɓɔ̀ mùŋ kuwìè è ɓɛ̀ɛ̀jàa wèè wo nyùùŋ guùŋ, maŋ kɔ̀ɔ̀yɛ̀ wò bàa fɛ̀ɛ̀ sùà.

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Gàla 5:26

Ɓɔ̀ è nɔ̀ìŋ ànyuùŋ ɓììne, ɔ̀ɔ̀ eiŋ nɔ̀ŋ gììyà sùà anyuùŋ joo e koo sèè è nɔ̀ìŋ wòò sùà wìàà è yààìŋ tɛ̀ɛ̀ e nyiŋ nìàŋ.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Fèle 1:15

Anyùùŋ nyaŋ bà nyiŋ yaà gbùùyè ke mìè Dayàa e nyaàiŋ dè wo Jisɛ̀ Kulaì, esaɓù kɛ̀ àŋ giiyà wì koo yèè àŋ nyinìàŋ wì nyaàtàaŋ. Aŋ bà nyiŋ gboo ke mìè Dayàa esaɓù kɛ̀ àŋ manaŋ aŋ kìɛ̀ŋ kpùùmaŋ.

Kòlo 1:11

È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

1Time 6:4

wo nyùùŋ mààŋ wii tɔɔ̀ wuŋ bi e dɛ̀ɛ̀kɛ sùà, yèè wo nyimààŋ è nɛ̀ŋ gbiŋ. Wò yaà ngèè siinyɛŋ ke jiikɛ̀ɛuŋ nɛɛ̀ŋ sùà, yèè e gòngò maŋhɛɛ gèe yaà e nyaàŋ tàaŋ e nyaàiŋ dè maŋ mìè gbòa màŋ yè maŋ hiàŋ e koo, e tɛɛ gòòno, e ɓɛ̀ɛ̀pɔ̀ɔ, yèè maŋ keì naanààŋ,

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 4:11

Dàwi mànaim nyàŋ, sèè mààŋ è ɗeweɛ̀ lɛɛ̀ wo Dayà naŋ wi mɔ̀nɔ̀ŋ, kɛ̀ sɔ̀ɔ̀ eiŋ mànàŋ àŋ dàwi wi nyàŋ.