1 Kɔliìŋ 13:12 - WƆŊ FƐ̀Ì EBÒ SÌÀŊ DAYÀA

¹² E ɗeweɛ̀ è yààìŋ naàŋ yɛ̀ɛ̀mɛ̀ Dayà wèè wo nɔ̀ŋ lɛ, è yaà mààŋ wɔŋ miimiiŋ fà e fɛ̀ɛ̀ wɔŋ mɛ̀ɛ̀mɛ̀ɛ̀ŋ sùà, kɛɛ e teenga bà sùà, è doiŋ wuŋ nàŋ yɛmɛ̀ janjai. E nɛ̀ɛŋ mìŋ naŋ naàŋ nyìmè lɛ kòò è dìò sùà, kɛɛ è do nàŋ dìò sùà màànààŋ e jììkɛ̀ɛ̀ Dayàa naŋ dìò sùà wèè nyaàiŋ eim dè lɛ.

1 Kɔliìŋ 13:12 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 5:8

“E zɔlɔ̀ yaà anyùùŋ nyaŋ kuwa maŋ jii zɛ̀nɛŋ nyàŋ. Àŋ do nàŋ yɛ̀mɛ̀ wo Dayà!

Luùm 8:18

Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

1 Kɔliìŋ 13:11

E teengaà mìŋ yaà wa wo jɔ̀àkàiŋ lɛ̀, mìŋ gboo wa mààŋ wo jɔ̀àkàiŋ, ka gongò mààŋ wo jɔ̀àkàiŋ, Ka jàà keì kùàŋ dìì mààŋ wo jɔ̀àkàiŋ. E teengaà mìŋ naŋ naàŋ kamàìŋ nɛ, kà dàngè maŋ tùwò jɔ̀àkàiŋ.

1 Kɔliìŋ 8:3

Kɛɛ wo nyùnɔ̀ɔŋ manaŋ Dayà wɔ, wo Dayà wòuŋ nyìmàŋ.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 5:7

Esàɓù e hààwe sùà è yààìŋ wɔŋ nyiiŋ gèe sùà e fè wèè nɛ̀ɛŋ è yɛmɛ̀ìŋ nɛ.

Fèle 3:12

Miŋ gò woò mìàŋ kà naàŋ kpɛ̀ɛ̀yɛ̀ nyɛ̀nɛ̀ŋ è yèɛ mìŋ manàŋ kà nyɛ̀nɛ̀ŋ lɛ ɔ̀ɔ̀ wèè ka nɔ̀ŋ wò nyuùŋ zɛ̀nɛŋ. Kòò mìŋ yaà kààmè ɗewe wèè ka ɓùlà e kìlà ka yɛ̀mɛ̀ e jìwààjɛ̀wɛ̀ɛ e nyaàiŋ dè e yèɛ wo Jisɛ̀ Kulaì naŋ ɓùlò nààŋ wò naim hìɛ̀ŋ koɓɛ̀ wuŋ biì lɛ.

Jìiiŋ 1:23

Wo nyùnɔ̀ɔŋ gbiŋ komo ke mìè gbìàŋ Dayàa yèè wo fè nyɛ̀nɛ̀ŋ è yèɛ kè naŋ woò lɛ, wò yaà mààŋ wo nyùnɔ̀ɔŋ yɛmɛ̀ wuŋ bi wɔŋ mɛ̀ɛ̀mɛ̀ɛ̀ŋ sùà yèè wo yɛ̀mɛ̀ wuŋ bi màànààŋ wò yaà lɛ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 22:4

Àŋ douŋ nàŋ yɛ̀mɛ̀ wɔŋ dewà, e kìlà e dèè Dayàa do nàŋ nɔ̀ŋ sìnga niŋ maŋ ɗìfeìŋ nyiŋ màŋ.