1 Kɔliìŋ 13:1 - WƆŊ FƐ̀Ì EBÒ SÌÀŊ DAYÀA

¹ Kà wɛ̀i ɓɛ̀nɛ̀ŋ gbòà maŋ kàìŋ nyuùŋkpùuŋ e kpùlìà maŋ jè aŋ màikà nyaŋ, kɛɛ sèè miŋ gò kùwìè è mànaŋ, e gbòaim mɛ̀ è yaà nɔŋ mààŋ wɔŋ kaì fàà ɓɔwɔɔ ɓùlìà nɛ̀ŋ, ɔ̀ɔ̀ ke ɓaɓaane kùwìè e giimè gbee.

1 Kɔliìŋ 13:1 ပူးပေါင်းရင်းမြစ်များ

Maafiù 25:45

Miàim Kanaà mìŋ do nàŋ fasaì mìàŋ, ‘Miŋ woòiŋ e tɔɔɓaaà, sèè nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ wèè wo wùìyaà bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ e weèim.’

Luùm 14:15

Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ.

1 Kɔliìŋ 12:10

Wo Jìnàŋ Dayàa kiɛ̀ŋ wo nyùnɔ̀ɔŋ bàuŋ e gààŋ wèè wo nyɛ̀nɛ̀ŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Koɓɛ̀ wo bà, wo fè e kìɛ̀ŋ ke mìè gbìàŋ Dayàa gbòa, yèè wo gbàuŋ, wò fè e gààŋ wèè wo nyìmàŋ e fèèmàŋ maŋ kìɛŋ màŋ folo wo Jìnàŋ Dayàa sìwè maŋ yaà maŋ yè màŋ fòuŋ fòlà sìwè maŋ. Wo nyùnɔ̀ɔŋ bà, wò kiɛ̀uŋ e gààŋ wèè wo gbòà maŋ kaìŋ joo sùà, e kìlà wo kìɛ̀ŋ wo bàuŋ e gààŋ wèè wo gɔ̀ì e keìɛ wo nyùnɔ̀ɔŋ naŋ woò lɛ sùà.

1 Kɔliìŋ 12:16

Sèè ke nùŋ ke weè woò kɛ̀, “Nààŋ miŋ fè yɛi è fɛ̀ɛ̀ le, miŋ fè kè kpùnaàŋ bà,” tii fè nyɛ̀nɛ̀ŋ wèè kè nùŋ do sòò nɔ̀ŋ kè kpùnaàŋ bà.

1 Kɔliìŋ 12:8

Wo Jinàaŋ kiɛ̀ŋ wo nyùùŋ guùŋ ke miè gbìàŋ e gòngo sengèì, wo Jìnàŋ gunɔ̀ɔŋ wo kìɛ̀ŋ wo nyùnɔ̀ɔŋ bàa ke miè gbìaŋ dìà e jììkɛ̀ɛ̀ nyìmaŋ.

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

1 Kɔliìŋ 14:2

Anyùùŋ nyaŋ gboo maŋ kaìŋ joo sùà nyaŋ, aŋ fè gbòà kòɓɛ̀ anyùùŋ sɔɔ̀ koɓɛ̀ Dayài, esaɓù kɛ̀ e nɛ̀ɛŋ àŋ woà lɛ e fè dìkà nyùùŋ è jiikɛ̀ɛ. Àŋ yaà gbùùyè e tɔ̀ɔ̀nyààŋ maŋ gbùnu e gààŋ Jìnàŋ Dayàa sùà.

1 Kɔliìŋ 14:4

Anyùùŋ nyaŋ gbuuyà maŋ kaìŋ joo sùà nyaŋ, àŋ kpuumàŋ nɔŋ nyiŋ bi, kɛɛ anyùùŋ nyaŋ naŋ wòò ke mìè gbìàŋ wɛ̀ijì nyaŋ lɛ̀, àŋ kpuumàŋ anyuùŋ nyaŋ ke gbòò anyuùŋ hààwe nyàŋ sùà.

1 Kɔliìŋ 14:5

Mìŋ manaŋ wèè nyɛ̀iŋ gbiŋ naŋ gbùùyà maŋ kaiŋ joo sùà, kɛɛ mìŋ henàŋ mɔ̀nɔ̀ŋ wèè naŋ wòò ke mìè gbìàŋ aŋ wɛ̀ijì nyaŋ. Wo nyùnɔ̀ɔŋ woà ke mìè gbìàŋ aŋ wɛ̀ijì nyaŋ wɔ̀, e nàfa yàaùŋ sùà e nìàŋ wo nyùnɔ̀ɔŋ gboo maŋ kaìŋ joo sùà wɔ, sɔɔ̀ nɔŋ wo nyùùŋ nɔ̀ŋ fɛɛ̀feìŋ wo yèɔ naŋ ɓɛ̀nɛ̀ŋ gɔ̀àì e nɛ̀ɛŋ wo nyùnɔ̀ɔŋ naŋ woò lɛ sùà, wèè ke gbòò anyuùŋ hààwe nyàŋ gbiŋ, e nɔ̀ŋ e kpùùmaŋ e nyɛ̀nɛ̀ŋ e hààwe wilɛ̀ e nyìngà sùà.

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

Maŋ kèì nyɛɛnɛŋ 14:2

E teenga lɛɛ̀ sùà, mìŋ naŋ kòmò ebò ke mìè nyùùŋ e yìwìà ko àìjɛnɛ̀ŋ ke yèɛ yaà mààŋ ko gbàà nàŋ gumo, ɔ̀ɔ̀ ko fùùŋ nàŋ kpaaŋ, ɔ̀ɔ̀ mààŋ wɔŋ nùŋ anyuùŋ kpùlà kɔningai.