1 Kɔliìŋ 12:6 - WƆŊ FƐ̀Ì EBÒ SÌÀŊ DAYÀA

⁶ Yàwi nààŋ gbiŋ è nyɛ̀nɛ̀ìŋ maŋ tòmo gbàgbà, kɛɛ wo Dàyà gunɔ̀ɔŋ nàŋ fè gààŋ koɓɛ̀ nyùùŋ gbiŋ wèè maŋ tòmo titi nyiŋ màŋ nyɛ̀nɛŋ.

1 Kɔliìŋ 12:6 ပူးပေါင်းရင်းမြစ်များ

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1 Kɔliìŋ 12:5

Maŋ tòmo kii màŋ gbiŋ yaà gbàgbà, kɛɛ wo Kànà guùŋ wɛɛ̀ nɔŋ àŋ tomàŋ.

1 Kɔliìŋ 15:28

Kɛɛ sèè manɛ̀ŋ maŋ gbiŋ nɔ̀ŋ naàŋ e gààŋ Kulaìɛ dìì, kpeiŋ kɛ̀ wuŋ bi, wo jɔ̀àa, do nàŋ hɔ̀ɔ̀ wuŋ bi wo Dayà dìì, wo yèɔ nauŋ hɔ̀ɔ̀ manɛ̀ŋ maŋ gbiŋ dìì wɔ, kpeiŋ kɛ̀ wo Dayà do nàŋ kùwìè e gààŋ nɛ̀ŋ gbiŋ diɛŋ.

1 Kɔliìŋ 3:7

Wo nyùnɔ̀ɔŋ nyuɔŋ wɔ̀ yaà wo nyùnɔ̀ɔŋ gɔàà maŋ màì wɔ, nààŋ fè nɛ̀ɛŋ, sɔɔ̀ wo Dayà esaɓù kɛ̀ wuŋ nàŋ nyɛnɛŋ ke kùù kòmàaŋ ke wùìyà.

Ɛfesɔ̀ 4:6

Wo Dayà yaà nɔŋ wò guùŋ yèè wo Dèdaà wèè nyuùŋkpùuŋ gbiŋ, wo yèɔ yaà wo Kana wèè nyuùŋkpùuŋ gbiŋ wɔ̀, wò toomàŋ aŋ gbiŋ sùà, yèè wò yaà aŋ gbiŋ sùà.

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.