1 Kɔliìŋ 12:18 - WƆŊ FƐ̀Ì EBÒ SÌÀŊ DAYÀA

¹⁸ Kɛɛ nààŋ è yaà yɛi le, wo Dayà naŋ gbìɛ̀ŋ manɛ̀ŋ è kɔɔ gbàgbà ke kpùnàŋ guùŋ sùà nààŋ wò manaŋ wa wèè e nɔ̀ŋ lɛ.

1 Kɔliìŋ 12:18 ပူးပေါင်းရင်းမြစ်များ

Luù 10:21

E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 12:6

Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1 Kɔliìŋ 12:17

Sèè ke kpùnaàŋ gbiŋ ke weè nɔ̀ŋ e fɛ̀ɛ̀, diè kè henàŋ kòmò maŋ kàìŋ? E kìlà sèè ke weè nɔ̀ŋ ke nùŋ, diè kè henàŋ kòmò e dò nɛ̀ŋ?

1 Kɔliìŋ 12:19

Ke kpùnaŋ fè weè nɔ̀ŋ sèè ke gbiŋ weè nɔ̀ŋ e nɛ̀ŋ ɗì guùŋ!

1 Kɔliìŋ 12:24

e yèɛ e kuwà wèè eiŋ tii nyɛ̀nɛ̀ŋ wèè manɛ̀ŋ è kɔɔ siaŋ sìàŋ maŋ lɛ̀. Wo Dayà wuŋ bi naŋ gbìɛ̀ŋ manɛ̀ŋ kɔ̀ɔ̀ ke kpùnaàŋ koɓɛ̀ guùŋ e ɗewe bà sùà wèè maŋ fè e ɓɛ̀ɛ̀jàa gbee koɓɛ̀ maŋ yè maŋ mànàŋ niìŋ lɛ.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

1 Kɔliìŋ 15:38

Wo Dayà nàŋ sie ke kòmàŋ yii ke kpùnaŋ, ke yèɛ wò manaŋ lɛ̀ sùà, wò kiɛ̀ŋ ke kòmàŋ gbiŋ ke kpùnàŋ e wùmaŋ nyiŋ nààŋ wò manaŋ lɛ̀.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Maŋ kèì nyɛɛnɛŋ 4:11

“Wo Kana wiɔ̀ yèè wo Dayà wiɔ̀! Mùŋ yaà tɛ̀ɛ̀ wèè maŋ yɛ̀mɛ̀ jòòwo, e ɓɛ̀ɛ̀jàa, yèè e gààŋ. Muàŋ naŋ bànè manɛ̀ŋ maŋ gbiŋ, yèè e yìwìà e mànaŋ mɔ̀ɛ̀ sùà manɛ̀ŋ maŋ gbiŋ naŋ wa nɔ̀ŋ wɔŋ nyiiŋ gèeɔ̀ sùà.”