1 Kɔliìŋ 12:11 - WƆŊ FƐ̀Ì EBÒ SÌÀŊ DAYÀA

¹¹ Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1 Kɔliìŋ 12:11 ပူးပေါင်းရင်းမြစ်များ

Maafiù 11:26

Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.

Maafiù 20:15

Miŋ fè è nyaàŋ gè diɛm wèè ka tòòmò è nɛɛnɛŋ mɛ̀ è ɗeweɛ̀ mìŋ manaŋ lɛ̀? Wèè kiìŋ nìŋ giiyàìm le koo sèè mìŋ mɔnɔŋ ka kpùùmàŋ anyùùŋ?’ ”

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Jɔ̀ɔŋ 3:8

Wo Jìnàaŋ nɔŋ nàŋ kiɛ̀ŋ wo nyùùŋ wɔŋ nyiiŋ gèe jɛi. Wo Jinàaŋ yaà mààŋ wɔŋ fòì, wo nyùùŋ gbiŋ nyimààŋ kɛ̀ kòò wɔ̀ŋ yewe wɔ̀ŋ vukà nyùùŋ; mùŋ komo ebò wɔŋ fòìɔ, kɛɛ muŋ nyimààŋ kɛ̀ kòò wɔ̀ŋ yewe ɔ̀ɔ̀ kòò wɔ̀ŋ yaà kɔɔyɛ.”

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Luùm 12:6

Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

Luùm 9:18

Weètii wo Dayà tɔɔ̀ ke nyowo koɓɛ̀ wo nyùnɔ̀ɔŋ gbiŋ wò manaŋ wɔ̀, yèè sèè wò mɔnɔŋ wèè wo nyɛ̀nɛ̀ŋ ke jìì nyùùŋ gbiŋ ke nɔ̀ŋ gbɔ̀mgbɔ̀ɔ̀, wò nyɛ̀nɛ̀ŋ nìŋ.

1 Kɔliìŋ 12:18

Kɛɛ nààŋ è yaà yɛi le, wo Dayà naŋ gbìɛ̀ŋ manɛ̀ŋ è kɔɔ gbàgbà ke kpùnàŋ guùŋ sùà nààŋ wò manaŋ wa wèè e nɔ̀ŋ lɛ.

1 Kɔliìŋ 12:4

Maŋ kìɛ̀ŋ Jìnàŋ Dayàa naŋ gàŋ maŋ ziì, kɛɛ wo Jìnàŋ gunɔ̀ɔŋ nàŋ kiɛ̀ŋ maŋ gbiŋ.

1 Kɔliìŋ 12:6

Yàwi nààŋ gbiŋ è nyɛ̀nɛ̀ìŋ maŋ tòmo gbàgbà, kɛɛ wo Dàyà gunɔ̀ɔŋ nàŋ fè gààŋ koɓɛ̀ nyùùŋ gbiŋ wèè maŋ tòmo titi nyiŋ màŋ nyɛ̀nɛŋ.

1 Kɔliìŋ 7:17

Nyɛ̀iŋ nyɛɛ̀ŋ bà gbiŋ kuwa wèè naŋ nɔ̀ŋ wɔŋ nyiiŋ gèeɔ̀ sùà e yìwìà e kìɛum mɛ̀ wo Kanaà naum kiɛ̀ŋ lɛ sùà, màànààŋ nɔŋ mùŋ yaà wa paŋgàà wo Dayà naum nyààŋ lɛ. Ke sàwà yɛɛ̀ mìŋ kaà koɓɛ̀ ke gbòò anyuùŋ hààwe nyàŋ maŋ saaŋ zòòlò Dayà maŋ dìì.

1 Kɔliìŋ 7:7

Tɔɔɓaa mìŋ naŋ weè mɔ̀nɔ̀ŋ wèè nyɛ̀iŋ nààŋ gbiŋ naŋ nɔ̀ŋ màànààŋ mìŋ yaà wo kpào lɛ̀, kɛɛ wo nyùùŋ gbiŋ kuwa e kìɛŋ titi e yìwìà wo Dayà sìwè, wo nyùùŋ guùŋ e kìɛŋ lɛɛ̀, wo bàa e kìɛŋ lii.

2 Kɔliìŋ 10:13

E wèè yàwi, e ɗewe gbiŋ, maŋ nyongà kɛ̀ɛ wi màŋ fè gɛ̀ɛ̀ kò dìa titi miŋ niìŋ, màŋ do nàŋ dìè koɓɛ̀ e tòmo wilɛ̀ wo Dayà naŋ wi kiɛ̀ŋ lɛ, yèè e tòmo bi naŋ kpùlìè e tòmo wilɛ̀ e tɛɛiŋ.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 4:7

Wo Jisɛ̀ Kulaì naŋ gòònò maŋ keì sìàŋ titiuŋ màŋ ko nɛ̀ɛ̀ŋ wiì.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.