1 Kɔliìŋ 12:10 - WƆŊ FƐ̀Ì EBÒ SÌÀŊ DAYÀA

¹⁰ Wo Jìnàŋ Dayàa kiɛ̀ŋ wo nyùnɔ̀ɔŋ bàuŋ e gààŋ wèè wo nyɛ̀nɛ̀ŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Koɓɛ̀ wo bà, wo fè e kìɛ̀ŋ ke mìè gbìàŋ Dayàa gbòa, yèè wo gbàuŋ, wò fè e gààŋ wèè wo nyìmàŋ e fèèmàŋ maŋ kìɛŋ màŋ folo wo Jìnàŋ Dayàa sìwè maŋ yaà maŋ yè màŋ fòuŋ fòlà sìwè maŋ. Wo nyùnɔ̀ɔŋ bà, wò kiɛ̀uŋ e gààŋ wèè wo gbòà maŋ kaìŋ joo sùà, e kìlà wo kìɛ̀ŋ wo bàuŋ e gààŋ wèè wo gɔ̀ì e keìɛ wo nyùnɔ̀ɔŋ naŋ woò lɛ sùà.

1 Kɔliìŋ 12:10 ပူးပေါင်းရင်းမြစ်များ

Luù 24:49

Mìŋ manaŋ naŋ nyìmàŋ kɛ̀ miàŋ bi nàŋ doiŋ nàŋ tùɔ̀ŋ e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì wèè wo kiɛ̀ŋ lɛ. Kɛɛ ɓɔ̀ nìŋ yèwà kò Jùlusɛ̀làm e jèèsùà e gààaŋ eiŋ dèyà diɛŋ e yìwìà ko àìjɛnɛ̀ŋ.”

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 11:27

E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 11:28

Wo bà guùŋ, e deèuŋ nɛ̀ nàŋ yaà wa wo Àgaɓɔ̀. E yìwìà e gààŋ Jinàaŋ sùà wo Àgaɓɔ̀ naŋ wa sie yèè wò naŋ woò kɛ̀ e jiè gbee do nàŋ sɔ̀ɔ̀ e ɗuunyaàŋ gbiŋ sùà ko dòmàŋfeìŋ. E jìè bi zà naŋ wa sɔ̀ɔ̀ e teengaà wo Kulɔdiɔ̀ yaà wa wo Kana wèè wɔŋ fùɔ̀ŋ anyùùŋ Luùm nyaŋ lɛ̀.

Nyɛ̀nɛ̀ŋ 19:6

Nààŋ wo Pɔɔ̀ naŋ nyiŋ wa gbùwò maŋ kùàŋ diɛŋ, wo Jìnàŋ Nɛɛmaàŋ naŋ nyiŋ dèyè diɛŋ. Kpeiŋ àŋ naŋ gbòò ke mìè Dayàa maŋ kaìŋ joo sùà.

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

Luùm 12:6

Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

1 Kɔliìŋ 11:4

Wo felaa gbiŋ wo yèɔ naŋ nɔ̀ŋ ko zoolo ɔ̀ɔ̀ ko wòò ke mìè gbìàŋ Dayà wò naŋ ɓùwò e ɗì wɔ, wò pɔ̀ɔ̀ Jisɛ̀ Kulaì ɓɛ̀ɛ.

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

1 Kɔliìŋ 14:13

Kpeiŋ wo nyùnɔ̀ɔŋ gboo maŋ kaìŋ joo sùà wɔ, sɔɔ̀ wo zoolò wèè wo kɛɛnɛ̀ŋ e kìɛɛ̀ŋ wèè maŋ mìè gbòauŋ màŋ fàsai.

1 Kɔliìŋ 14:39

E wèètii nyɛ̀iŋ nààŋ wùìyaim nyàŋ, maŋ jiiiŋ màŋ nɔ̀ŋ e kèè maŋ mìè gbòà aŋ wɛ̀ijì nyaŋ wòo maŋjɛ̀wɛ, kɛɛ ɓɔ̀ nìŋ dangè è kèè màŋ kaìŋ joo gbùùyà sùà.

Gàla 3:5

Wo Dayà naiŋ kìɛ̀ŋ wo Jinàuŋ nɔɔ̀ŋ, yèè wò naŋ nyɛ̀nɛ̀ŋ maŋ kèè mèè e tɛɛiŋ esaɓù kɛ̀ nìŋ naŋ wa jɔ̀ɔ̀lɔ̀ ke Sàwàa dìì, ɔ̀ɔ̀ esaɓù kɛ̀ nìŋ naŋ wa kòmò e Ebò Siaàŋ yèè nìŋ naŋ niŋ haawè?

1Tɛsè 5:20

Ɓɔ̀ nìŋ niingè kè mìè gbìàŋ wɛ̀ijì è fɛ̀ɛ̀.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

Maŋ kèì nyɛɛnɛŋ 2:2

Kà nyìmàŋ e nɛ̀ɛŋ nìŋ naŋ nyɛ̀nɛ̀ŋ lɛ. Kà nyìmàŋ e tòmo nyìngaà nìŋ naŋ nyɛ̀nɛ̀ŋ lɛ yèè maŋ jii tɔumtɔ̀ùm maŋ nìŋ naŋ kùwò maŋ. Kà nyìmàŋ kɛ̀ nyɛ̀iŋ yèè anyuùŋ nyɛ̀nɛ̀ŋ keì naanààŋ gbiŋ fè tòòmò kòɓɛ̀ guùŋ, e kìlà nàŋ wàà anyùùŋ nyaŋ bà nyiŋ naŋ woò nyààŋ àŋ yàa aŋ keela tàeɗùù nyaŋ, kɛɛ nàŋ yɛmɛ̀ kɛ̀ àŋ yaà anyuùŋ tòa.