1 Kɔliìŋ 11:32 - WƆŊ FƐ̀Ì EBÒ SÌÀŊ DAYÀA

³² Kɛɛ wo Kanaà gbaì wì, yèè wo wi nimilà wèè wo go wi nàŋ hèè kiti diɛŋ e kpùlìà anyùùŋ ɗuunyaŋ gbànaŋ nyàŋ.

1 Kɔliìŋ 11:32 ပူးပေါင်းရင်းမြစ်များ

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 5:16

E fèemàŋ gòòno kòò è yaào e nyaàiŋ dè e nɛ̀ɛŋ wo Dayà naŋ kiɛ̀ŋ foo lɛ̀, yaà e jùùmù wo nyùùŋ guùŋ. Eɓìèmàŋjɛ̀wɛ̀ e jùùmù guùŋ lɛɛ̀, wo Dayà naŋ wi hèè e kìtì e nimilà diɛŋ. Kɛɛ eɓìèmàŋjɛ̀wɛ̀ tɛɛ̀, anyuùŋ zimgbe naŋ nyɛ̀nɛ̀ŋ maŋ jùumù yèè wo Dayà naŋ nyiŋ kìɛ̀ŋ ke mìè gbòa siaŋ wààŋ kɛ̀ wo naàŋ nyiŋ jèè è keì.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 11:30

Tɛɛ̀ naŋ nɔ̀ŋ esaɓù nyɛ̀iŋ nààŋ zimbgeiŋ nìŋ yaà siinyɛŋ, yèè nìŋ naŋ yɔkpɔ̀, e kìlà nyɛ̀iŋ nààŋ bàiŋ nìŋ fà.

1 Kɔliìŋ 11:31

Sèè eiŋ weè tùàŋ yàwi bi maŋ nɔnɔŋ tɛ̀ɛ̀ kaiŋ jiɛ̀, wo Dayà fè wi weè gbaaì.

1 Kɔliìŋ 11:33

Wèètii nyɛ̀iŋ nààŋ wùìyaim nyàŋ, sèè nìŋ deenàŋ koɓɛ̀ guùŋ wèè naŋ jè e nɛ̀ŋjè Kanaà, fòlaìŋ aŋ dàwiiŋ nyàŋ.

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.