1 Kɔliìŋ 11:22 - WƆŊ FƐ̀Ì EBÒ SÌÀŊ DAYÀA

²² Niŋ kuwà màŋ gboo kuaŋ màŋ yè maŋ nìŋ jiiyà nɛ̀ŋ e kìlà naŋ tìà nɛ̀ŋ lɛ? Nìŋ naŋ wùɔ̀ŋ ke gbòò anyuùŋ hààwè Dayà nyaŋ, e kìlà nìŋ manaŋ naŋ sìà anyuùŋ gò kɛ̀ɛ̀nɛ̀ŋ nɛ̀ŋ nyaŋ e sàngè? Tɔɔɓaa miŋ fèiŋ tɛnɛ̀ŋ.

1 Kɔliìŋ 11:22 ပူးပေါင်းရင်းမြစ်များ

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

1 Kɔliìŋ 11:17

E ɗewe gbiŋ maŋ nyɛ̀nɛŋ gbànaŋ mɛɛ̀ŋ sùà, miŋ fèiŋ tɛnɛ̀ŋ, esaɓù kɛ̀ maŋ dèènè e zòòloiŋ màŋ sùà, nìŋ nyɛnɛŋ naanààŋ e nìàŋ e siaŋ sìàaŋ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

1 Kɔliìŋ 15:9

Miàŋ nàŋ yaà wo keela tàeɗùù tòloòɔ aŋ keela tàeɗùù nyaŋ sùà, miŋ fè tɛ̀ɛ̀ wèè aim nyààŋ wò keela tàeɗùù, esaɓù kɛ̀ mìŋ naŋ ɓùlò anyùùŋ e yìwìà ke gbòò anyuùŋ hààwe Dayà nyaŋ sùà.

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

1Time 3:5

Sèè wo nyùùŋ go nyìmàŋ e ɗèwè ke kpòò wuŋ biɛ̀ yɛ̀mɛ̀ diɛŋ, kɛ̀ dièsɔa wò naŋ ɓɛ̀nɛ̀ŋ yɛ̀mɛ̀ ke gbòò anyuùŋ hààwè Dayà nyaŋ diɛŋ?