1 Kɔliìŋ 11:20 - WƆŊ FƐ̀Ì EBÒ SÌÀŊ DAYÀA

²⁰ Sèè nìŋ deenàŋ koɓɛ̀ guùŋ mààŋ ke gbòò, e nɛ̀ŋjè Kanaà nààŋ niŋ fè jè.

1 Kɔliìŋ 11:20 ပူးပေါင်းရင်းမြစ်များ

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

1 Kɔliìŋ 11:17

E ɗewe gbiŋ maŋ nyɛ̀nɛŋ gbànaŋ mɛɛ̀ŋ sùà, miŋ fèiŋ tɛnɛ̀ŋ, esaɓù kɛ̀ maŋ dèènè e zòòloiŋ màŋ sùà, nìŋ nyɛnɛŋ naanààŋ e nìàŋ e siaŋ sìàaŋ.

1 Kɔliìŋ 11:19

E keì dììyè nyùùŋ jii gbiŋ fòo, e fèemàŋ gòòno kòò è yààìŋ wɛ̀i naàŋ e tɛɛ, wèè aŋ yɛmɛ̀ aŋ yè nyaŋ yaà e tɔ̀ɔ̀nyaàaŋ sùà àŋ naŋ jàà kùàŋ dìì nyaŋ janjai.

1 Kɔliìŋ 11:21

Nìŋ tɔɔtù ngèè pɛɛ e nɛ̀ŋje jèe paŋgàà anyùùŋ nyaŋ kpɛ̀ɛ̀yɛ̀ dèèneɛ̀ hnàŋ sùà, yèè nyɛ̀iŋ nààŋ bà nyiŋ nìŋ kɔà e jìè, aŋ bà nyiŋ àŋ tie.

Hiɓu 10:25

E bɔ̀mɔ̀ŋ ɓɔ̀ wùìyà wi wèè eiŋ dèènè koɓɛ̀ guùŋ wèè zòòlo, màànààŋ aŋ bà nyiŋ yaà nyinie lɛ̀. Kùùnò wiìŋ kìɛ̀ŋ maŋ jii nyingè koɓɛ̀ aŋ dàwi wi nyàŋ, nààŋ ngèè nìŋ naŋ nyìmè kɛ̀ ke ɗɔɔɛ̀ wèè wo Kanaà wo hnàŋ lɛ, kè kùùnò gbɛ̀ɛ fɔ̀ɔ̀.

2Pììlɛ 2:13

Àŋ naŋ jàà e nànàŋ yèè e nànàŋ nàŋ do nyiŋ nàŋ mɛɛ̀ŋ wèè e jìwààjɛ̀wɛ̀ nyiŋ nɛ̀. E je nyiŋ gbanaà nàŋ yaà wèè aŋ nyɛ̀nɛ̀ŋ maŋ kèì kàaɓì gbiŋ maŋ gɔɛ janyai maŋ yè maŋ do nàŋ fɔ̀ɔ̀yɛ̀ e kɔɔ nyiŋ nɛ̀ jii lɛ̀. È yaà e sàngè yèè e ɓɛ̀ɛ̀pɔ̀ɔ nààŋ nyɛ̀iŋ nyiŋ nìŋ jiiyà nɛ̀ŋ koɓɛ̀ guùŋ, e teenga gbiŋ ko jììkà maŋ tùwò kàaɓì nyiŋ màŋ.

Juù 1:12

Aŋ kààmɔɔŋ kùwìè maŋ kàà kii naanààŋ nyɛɛ̀ŋ àŋ yaà anyuùŋ naanààŋ e tɛɛiŋ, àŋ yaà mààŋ le zààmàŋ naŋ sɛ̀ɛ̀ e nɛ̀ŋjeɛ̀ nìŋ jiiyà koɓɛ̀ guùŋ nɛ sùà. Àŋ naŋ nɔŋ kpɛɛ̀ŋ wèè nyiŋ bi. Àŋ yaà mààŋ ko fuùŋ kùwaì wɔŋ dùfòì miinyàŋ, yèè maŋ gɔ̀à fè sɔ̀à lɛ. Àŋ yaà mààŋ maŋ kuù gò kòmàŋ e pɛɛ nɔ̀ŋ sɛ̀ɛ̀ dìì, maŋ yè maŋ àŋ naŋ fie yèè màŋ naŋ fɔ̀ kpɛlɛmɛɛŋ lɛ̀.