1 Kɔliìŋ 11:2 - WƆŊ FƐ̀Ì EBÒ SÌÀŊ DAYÀA

² Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 11:2 ပူးပေါင်းရင်းမြစ်များ

Luù 1:6

Wo Dayà naŋ wa nyimèè kɛ̀ nyiŋ tìyèe naŋ wa nyìnìè wɔŋ nyiiŋ gèe nyiŋ nɔɔ̀ŋ e tɔ̀ɔ̀nyaàŋ sùà, esaɓù kɛ̀ àŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

1 Kɔliìŋ 11:17

E ɗewe gbiŋ maŋ nyɛ̀nɛŋ gbànaŋ mɛɛ̀ŋ sùà, miŋ fèiŋ tɛnɛ̀ŋ, esaɓù kɛ̀ maŋ dèènè e zòòloiŋ màŋ sùà, nìŋ nyɛnɛŋ naanààŋ e nìàŋ e siaŋ sìàaŋ.

1 Kɔliìŋ 11:22

Niŋ kuwà màŋ gboo kuaŋ màŋ yè maŋ nìŋ jiiyà nɛ̀ŋ e kìlà naŋ tìà nɛ̀ŋ lɛ? Nìŋ naŋ wùɔ̀ŋ ke gbòò anyuùŋ hààwè Dayà nyaŋ, e kìlà nìŋ manaŋ naŋ sìà anyuùŋ gò kɛ̀ɛ̀nɛ̀ŋ nɛ̀ŋ nyaŋ e sàngè? Tɔɔɓaa miŋ fèiŋ tɛnɛ̀ŋ.

1 Kɔliìŋ 15:2

Tiŋ nàŋ yaà e tɔɔɓaaà, ke miè gbìàŋ Ebò Siaàŋ mìŋ naŋ wòò ko nɛ̀ɛ̀ŋ niìŋ lɛ. E hààweɛ̀ èiŋ joeyè sèè nìŋ kùwò niìŋ kpaŋ, sɔɔ̀ zà naŋ wa nɔŋ haawè wèè foo.

1 Kɔliìŋ 4:17

E wèè esaɓù lɛɛ̀, mìŋ yaà tùaŋ sùà wo Timetè ko nɛ̀ɛ̀ŋ niìŋ, wo yèɔ yaà wo jɔ̀à mànaŋ tùlìà jii miɔ̀ŋ e hààweɛ̀ sùà wɔ, ke gbòò anyuùŋ hààwè Dayà nyaŋ e tɛɛ. Wèè woo dè maŋ jiiiŋ màŋ koɓɛ̀ maŋ keì ɗì maŋ mìŋ naŋ dè maŋjɛ̀wɛ wɔŋ nyiiŋ jɛiɔ̀ ke gbòò Jisɛ̀ Kulaìɛ sùà lɛ, maŋ yè maŋ mìŋ naŋ kaà maŋ ke gbòò anyuùŋ hààwe nyàŋ gbiŋ sùà koɓɛ̀i gbiŋ mìŋ kɔ̀ lɛ.

1 Kɔliìŋ 7:17

Nyɛ̀iŋ nyɛɛ̀ŋ bà gbiŋ kuwa wèè naŋ nɔ̀ŋ wɔŋ nyiiŋ gèeɔ̀ sùà e yìwìà e kìɛum mɛ̀ wo Kanaà naum kiɛ̀ŋ lɛ sùà, màànààŋ nɔŋ mùŋ yaà wa paŋgàà wo Dayà naum nyààŋ lɛ. Ke sàwà yɛɛ̀ mìŋ kaà koɓɛ̀ ke gbòò anyuùŋ hààwe nyàŋ maŋ saaŋ zòòlò Dayà maŋ dìì.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 3:6

Wo Timetè kɛ̀ɛ̀ maŋjɛ̀wɛ wò hnàŋ wò dàà mìè ebò siaàŋ nyaàiŋ dè e hààweiŋ nɛ̀, yèè e mànaàŋ nìŋ kuwa lɛ̀. Wò naŋ wi woò kɛ̀ e teenga gbiŋ sùà nìŋ jàà wì jii yèè e wùànàŋ yɛ̀mɛ wi nyɛ̀nɛ̀ìŋ, nààŋ nɔŋ yàwi pɛɛ e wùànàŋ yɛ̀mɛiŋ nyɛ̀nɛ̀ŋ wì lɛ.

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.