1 Kɔliìŋ 11:17 - WƆŊ FƐ̀Ì EBÒ SÌÀŊ DAYÀA

¹⁷ E ɗewe gbiŋ maŋ nyɛ̀nɛŋ gbànaŋ mɛɛ̀ŋ sùà, miŋ fèiŋ tɛnɛ̀ŋ, esaɓù kɛ̀ maŋ dèènè e zòòloiŋ màŋ sùà, nìŋ nyɛnɛŋ naanààŋ e nìàŋ e siaŋ sìàaŋ.

1 Kɔliìŋ 11:17 ပူးပေါင်းရင်းမြစ်များ

Luùm 13:3

Anyuùŋ kɛ̀ɛ̀nɛ̀ŋ kpèè siaŋ nyàŋ fè dùàŋ àŋ kana nyàŋ, sɔɔ̀ anyuùŋ kɛ̀ɛ̀nɛ̀ŋ kpèè naanààŋ nyaŋ. Esaɓù bà fè wèè maŋ dùàŋ àŋ kana nyaŋ. Sèè mùŋ nyɛnɛŋ e keì sìàŋ, àŋ doum nàŋ tɛnɛ̀ŋ weè niŋ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 11:20

Sèè nìŋ deenàŋ koɓɛ̀ guùŋ mààŋ ke gbòò, e nɛ̀ŋjè Kanaà nààŋ niŋ fè jè.

1 Kɔliìŋ 11:22

Niŋ kuwà màŋ gboo kuaŋ màŋ yè maŋ nìŋ jiiyà nɛ̀ŋ e kìlà naŋ tìà nɛ̀ŋ lɛ? Nìŋ naŋ wùɔ̀ŋ ke gbòò anyuùŋ hààwè Dayà nyaŋ, e kìlà nìŋ manaŋ naŋ sìà anyuùŋ gò kɛ̀ɛ̀nɛ̀ŋ nɛ̀ŋ nyaŋ e sàngè? Tɔɔɓaa miŋ fèiŋ tɛnɛ̀ŋ.

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

1 Kɔliìŋ 14:23

Sèè ke gbòò anyuùŋ hààwe nyàŋ gbiŋ aŋ deenè aŋ tɔ̀ɔ̀tù gbòà maŋ kaìŋ joo sùà, kpeiŋ anyuùŋ joo bà ɔ̀ɔ̀ anyuùŋ gò kùwìè è hààwe nyàŋ bà hnàŋ aŋ jɔ̀à, aŋ naàŋ woò nyààŋ nìŋ naŋ sààŋ kè gbòà?

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

Hiɓu 10:25

E bɔ̀mɔ̀ŋ ɓɔ̀ wùìyà wi wèè eiŋ dèènè koɓɛ̀ guùŋ wèè zòòlo, màànààŋ aŋ bà nyiŋ yaà nyinie lɛ̀. Kùùnò wiìŋ kìɛ̀ŋ maŋ jii nyingè koɓɛ̀ aŋ dàwi wi nyàŋ, nààŋ ngèè nìŋ naŋ nyìmè kɛ̀ ke ɗɔɔɛ̀ wèè wo Kanaà wo hnàŋ lɛ, kè kùùnò gbɛ̀ɛ fɔ̀ɔ̀.

1Pììlɛ 2:14

yèè wo kana gbɛ̀ɛ̀ kana kɔɔ̀, wo yèɔ wo kanaà naŋ tàeɗùù wèè wo gbaì anyuùŋ nyɛ̀nɛ̀ŋ maŋ keì naanààŋ nyaŋ, e kìlà wo tɛnɛ̀ŋ anyuùŋ nyɛ̀nɛ̀ŋ keì sìàŋ nyaŋ wɔ̀.