1 Kɔliìŋ 11:16 - WƆŊ FƐ̀Ì EBÒ SÌÀŊ DAYÀA

¹⁶ Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

1 Kɔliìŋ 11:16 ပူးပေါင်းရင်းမြစ်များ

Nyɛ̀nɛ̀ŋ 21:21

Anyuùŋ hààwe nyàŋ naŋ kòmò kɛ̀ muàŋ nàŋ yaà kàà sùà aŋ Juùù nyaŋ maŋ fùɔ̀ŋ anyùùŋ nyaŋ fè àŋ Juùù nyaŋ sùà kɛ̀, ɓɔ̀ àŋ jɔɔlɔ̀ màŋ Sàwà Mòòze màŋ dìì, yèè mààŋ ɓɔ̀ àŋ jàà àŋ jɔ̀à nyiŋ nyàŋ kpùa ɔ̀ɔ̀ ɓɔ̀ àŋ dè langi wilɛ̀ màŋjɛ̀wɛ.

Nyɛ̀nɛ̀ŋ 21:24

Kɔ̀à sɛ̀ɛ̀ nyiŋ sùà yèè muŋ nɔ̀ŋ wo bàumbà yèè niŋ nyɛ̀nɛ̀ŋ e nɛ̀ɛŋ maŋ Sàwà Dayà maŋ naŋ woò lɛ nààŋ wò naŋ miŋ wa kìɛ̀ŋ wo Mòòze wèè niŋ nɔ̀ŋ zɛ̀nɛiŋ ko fɛ̀ɛ̀fèìŋ Dayà lɛ. E kìlà muŋ paawà wèè manɛ̀ŋ saà nyiŋ màŋ, Kpeiŋ kɛ̀ àŋ dòò maŋ ɗìiŋ màŋ. E ɗewe lɛɛ̀ sùà anyùùŋ nyaŋ do nàŋ nyìmè kɛ̀ e yèɛ àŋ naŋ kòmò e nyaàiŋ eum dè lɛ è yaà e tòa, yèè kɛ̀ muàŋ bi kòò mùŋ yaà jɔ̀ɔ̀lɔ̀ maŋ Sàwà maŋ wo Dayà naŋ wa kìɛ̀ŋ wo Mòòze màŋ dìì.

1 Kɔliìŋ 11:15

Kɛɛ sèè è nɔ̀ŋ wèè jɔùŋ, è yaà e nɛ̀ŋ ɓùwìà e ɗì wèè e sìàŋ. Wo Dayà nauŋ niŋ fè wèè e nɔ̀ŋ wɔŋ deè ɓùwìà e ɗìuŋ nɛ̀.

1 Kɔliìŋ 16:1

Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

1 Kɔliìŋ 7:17

Nyɛ̀iŋ nyɛɛ̀ŋ bà gbiŋ kuwa wèè naŋ nɔ̀ŋ wɔŋ nyiiŋ gèeɔ̀ sùà e yìwìà e kìɛum mɛ̀ wo Kanaà naum kiɛ̀ŋ lɛ sùà, màànààŋ nɔŋ mùŋ yaà wa paŋgàà wo Dayà naum nyààŋ lɛ. Ke sàwà yɛɛ̀ mìŋ kaà koɓɛ̀ ke gbòò anyuùŋ hààwe nyàŋ maŋ saaŋ zòòlò Dayà maŋ dìì.

1 Kɔliìŋ 9:1

Mìŋ yaà wo nyuùŋ gè nyààŋ diɛŋ. Mìŋ yaà wo keela tàeɗùù. Kà yɛ̀mɛ̀ Jisɛ̀ wo Kana wiɔ̀. Miàŋ naiŋ dè ke dòmaŋ diɛŋ e hààwe sùà koɓɛ̀ Kanaà Jisɛ̀ Kulaì.

1 Kɔliìŋ 9:6

Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,