1 Kɔliìŋ 10:27 - WƆŊ FƐ̀Ì EBÒ SÌÀŊ DAYÀA

²⁷ Sèè wo nyuùŋ gò hààwè Dayà woum nyààŋ wèè e nɛ̀ŋje, maŋ nyimèè wèè mao ka, jè e yèɛ gbiŋ àŋ jààùm feìŋ nɛ. Ɓɔ̀ mùŋ tùàŋ màŋ nɔnɔŋ gbiŋ èsàɓù è gòngo mɔ̀ɛ̀ sùà.

1 Kɔliìŋ 10:27 ပူးပေါင်းရင်းမြစ်များ

Luù 15:23

Yèè niŋ ka niŋ hiàŋ wo dìi jawe gbeeɔ̀ niŋ jìwàuŋ e gbìlàiŋ wuŋ e kìlà e giiyàiŋ e zɔlɔ̀ koɓɛ̀ guùŋ wɔŋ ɗaa gèe sùà.

Luù 19:7

Anyùùŋ nyaŋ gbiŋ naŋ wa yɛ̀mɛ̀ e keì bi nyàŋ naŋ tɔ̀ɔ̀tù ɗìòsùà gùlia nyààŋ, “Wo kenàŋ wɛɛ̀ wò kà ke nyɛiŋ ko gbòò wo nyùùŋ maŋ jùumù.”

1 Kɔliìŋ 10:25

Nìŋ yaà e nyaàŋ gè diɛiŋ wèè naŋ gbìlà yilì gbiŋ e yìwìà e bòliɛ̀ sùà, e yèɛ niŋ fè tùàŋ màŋ nɔnɔŋ gbiŋ èsàɓù è gòngoiŋ nɛ̀ sùà.

2 Kɔliìŋ 1:13

Wɔŋ fɛiɔ̀ nìŋ kpɛnɛŋ naŋ wuŋ jàà jii wɔ̀ŋ, wuŋ nɔŋ è singe ko nɛ̀ɛ̀iŋ niìŋ. Jòòpɛɛ nàŋ wi naàŋ jàà jii tòloò, mìŋ kuwa jii tùlia kɛ̀ nìŋ do wi nàŋ jàà jii e jùà jɛ̀wɛ̀ kpɛlɛmɛɛŋ, wèè kɛ̀ ke ɗɔɔɛ̀ wo Kanaà Jisɛ̀ Kulaì hnàŋ lɛ, nàŋ ɓɛ̀nɛ̀ŋ gè zɔlɔ̀ weè wi nààŋ yàwi pɛɛ è do nàŋ gè zɔlɔ̀ weèiŋ nɛ̀.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.