1 Kɔliìŋ 10:13 - WƆŊ FƐ̀Ì EBÒ SÌÀŊ DAYÀA

¹³ E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

1 Kɔliìŋ 10:13 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 11:4

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Luù 16:26

Eɓìèmàŋjɛ̀wɛ̀ tii, wɔŋ goo gbee hawa yàwi yèè muàŋ e fèemàŋ, wèè kɛ̀ anyùùŋ nyaŋ wɔŋ fàà wɛɛ̀ŋ gò nàŋ kɔ̀ wɔŋ fàà wiiŋ, yèè wo bà guùŋ pɛɛ e yìwìà kuii go nàŋ nìè kià ko nɛ̀ɛ̀ŋ wiì.’

Luù 22:46

Yèè wo Jisɛ̀ naŋ nyiŋ woò wààŋ, “Wèè kiìŋ nìŋ yaà maŋ jàwè? Yèwaìŋ dìì niŋ zoolò wèè niŋ go nàŋ kɔ̀ e wàa dìì.”

Nyɛ̀nɛ̀ŋ 27:44

Wò naŋ wòò anyuùŋ gbànaŋ nyàŋ wààŋ aŋ kamè maŋ kuùfàà wɔŋ meeèɔ sùà aŋ kùwà kpaŋ kpaŋ. Eɓìèmàŋjɛ̀wɛ̀ tii aŋ gbiŋ naŋ wa jòwò ko tiwiì bòìbòì.

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

2 Kɔliìŋ 1:10

E yìwìà e kèì nyìngà fàa lɛɛ̀ sùà. Wò naŋ wi joeyè, yèè wò do wi nàŋ joeyè, e kìlà euŋ sìà jii tùlia sùà, kɛ̀ wò do wi ɓɛìŋ nàŋ joeyè.

1Tɛsè 5:24

Wo nyùnùɔŋ naiŋ nyààŋ wɔ wò do niŋ nàŋ nyɛ̀nɛ̀ŋ esaɓù kɛ̀ wò yaà wo nyuùŋ tùlìà jii.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

2Time 4:18

Wo Kanaà doim nàŋ joeyè woim gè maŋ keì naanààŋ sùà, e kìlà woim kɔ̀à e Kànà àìjɛnɛ̀uŋ nɛ̀ sùà. Tɔ̀ e jòòwo nɔ̀ŋ e weèuŋ wèè julɔfɔ yèè jùlɔ̀fɔ̀! Àmiinàŋ.

Hiɓu 10:23

Kùwà wiìŋ koɓɛ̀ guùŋ kpaŋ wèè ke jii tùliaà è woàìŋ kɛ̀ kè yaà weè wilɛ̀, esaɓù kɛ̀ èiŋ ɓɛ̀nɛ̀ŋ kɛ̀ɛ̀nɛ̀ŋ e hààwe wo Dayà sùà wèè e ɗààhiìɛ wò naŋ banè lɛ ko nɛ̀ɛ̀ŋ wiì.

Hiɓu 11:11

E hààwe naŋ nyɛ̀nɛ̀ŋ wo Eɓulɔhɛɛ̀ŋ naŋ wa nɔ̀ŋ wo kɛ̀ɛ̀ kòmaŋ, jòòpɛɛ wò wa naàŋ tiiyè. E hààwe naŋ wa nyɛ̀nɛ̀ŋ wo Sèèla naŋ wa kɛ̀ɛ̀nɛ̀ŋ gààŋ wèè wo nɔ̀ŋ le sùà, jòòpɛɛ wò wa naàŋ tiiyè wèè wo kòmàŋ aŋ jɔ̀à. Wò kuwa wa jii tùlia kɛ̀ wo Dayà do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wò nyɛ̀nɛ̀ŋ lɛ.

Hiɓu 12:4

E yìwìà maŋ keì nyìngaiŋ màŋ gbiŋ sùà wèè naŋ yɛ̀mɛ̀ nyɛ̀iŋ bi diɛŋ e nyaàiŋ dè anyùùŋ maŋ jùumù, nyɛ̀iŋ nààŋ bà guùŋ gbiŋ kòò nìŋ wùɔ̀ŋ màŋ sɛ̀ìŋ.

Hiɓu 6:18

Manɛ̀ŋ ɗì tìyèe mɛɛ̀ŋ nàŋ yaào. Wo Dayà fè tòà, wo fè kìlà kè jiiuŋ nɛɛ̀ŋ julɔfɔ wèè e ɗààhiìɛ wò naŋ jɔ̀ɔ̀ e kìlà wò naŋ gbòònò diɛŋ lɛ̀. Yàwi nyàŋ naiŋ kɔ̀ ko nɛ̀ɛ̀uŋ niìŋ wèè wo wi joeyè nyaŋ, è doiŋ wɛ̀i nàŋ kɛ̀ɛ̀nɛ̀ŋ jii nyingè gbee wèè eiŋ kùwà kpaŋ koɓɛ̀ ke jii tùliaà yàwì ko feìŋ lɛ.

1Pììlɛ 4:19

Weètii, anyuùŋ hààwe nyàŋ kɔ̀à e keì nyìnga dìì esaɓù kɛ̀ tii wo Dayà manaŋ weè nyiŋ, aŋ nyɛ̀nɛ̀ŋ e tòmo siaŋ yèè aŋ kiɛ̀ŋ ke jii nyiŋ nɛɛ̀ŋ wo nyuùŋ bàne nyiŋ nɔɔ̀ŋ wo yèɔ nyɛnɛŋ e yèɛ wò naŋ ɓèmè e ɗààhiì wèè wo nyɛ̀nɛ̀ŋ lɛ.

2Pììlɛ 2:9

Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,

1Jɔ̀ɔŋ 1:9

Kɛɛ sèè eiŋ kìlìà maŋ jùumù wi màŋ dèè koɓɛ̀ Dayài, wo Dayà wò yaà wo nyuùŋ jìlɛŋ yèè wo nyùùŋ tɔ̀ɔ̀nyaàŋ, èuŋ ɓɛ̀nɛ̀ŋ tùlìà jii wèè wo wi jùùyà hakɛ̀ e kìlà wo gùà maŋ jùumù wi màŋ.

Maŋ kèì nyɛɛnɛŋ 19:11

Mìŋ naŋ yɛ̀mɛ̀ ko àìjɛnɛ̀ŋ naŋ yilè, yèè mìŋ naŋ yɛ̀mɛ̀ wo sòo fua. Àŋ nyaaŋ wa wo nyuùŋ dùùnyauŋ nɔɔ̀ŋ nyààŋ, Tɔ̀ɔ̀nyaàŋ yèè Tɔɔɓaa. Wò toomàŋ e tɔ̀ɔ̀nyaàŋ wèè wo hàà kiti e kìlà wo sòmàŋ e ɗuàuŋ nɛ̀.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 3:10

Nààŋ nìŋ naŋ jɔ̀ɔ̀lɔ̀ ke mìè gbòa miɛ̀ŋ dìì e hàì ko dìaì lɛ, miàŋ pɛɛ mìŋ doiŋ nàŋ joeyè e tèèngà e keì nyìngaà yaà hìnìè e ɗuunyaàŋ diɛŋ lɛ̀, wèè e nɔ̀ŋ e wàa wèè anyùùŋ nyaŋ gbiŋ e dììɛ diɛŋ.