1 Kɔliìŋ 1:28 - WƆŊ FƐ̀Ì EBÒ SÌÀŊ DAYÀA

²⁸ Wo Dayà naŋ ɓèmè e nɛ̀ɛŋ e ɗuunyaàŋ naŋ kɔ̀ɔ̀yɛ̀ fɛ̀ɛ̀ sùà àŋ gongà kɛ̀ e fè nɛ̀ŋ bà gbiŋ sùà lɛ, wèè wo pɔ̀ɔ̀pɔ̀ɔ̀ e nɛ̀ɛŋ e ɗuunyaàŋ gongà kɛ̀ e gbììŋ gbììŋ yaà sùà lɛ.

1 Kɔliìŋ 1:28 ပူးပေါင်းရင်းမြစ်များ

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2Tɛsè 2:8

Kpeiŋ kɛ̀ wo Dayà do nàŋ fùlìè Wo Nyuùŋ pɔ̀ɔ̀ maŋ sàwàa, kɛɛ sèè wo Kanaà Jisɛ̀ hnàŋ, wò douŋ nàŋ jìwìè wɔŋ fòìɔ fòloùŋ nyààŋ wɔŋ, yèè e mɛ̀ɛ̀ŋ Kanaà, e dɛngò dɛngòiŋ nii euŋ pɔɔpɔ̀ɔ̀.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Maŋ kèì nyɛɛnɛŋ 18:17

Yɛi nɔŋ è yaà e teenga kpuu sùà e bàneuŋ nɛ̀ gbiŋ è ka!” Anyuùŋ dùùnyàŋ maŋ meeè maŋ yèè aŋ pasenjà nyaŋ, yèè anyùùŋ nyaŋ toomàŋ wɔŋ meeèɔ sùà nyaŋ naŋ sìè koɓɛ̀ dii, e kpùlìà anyùùŋ nyɛ̀nɛ̀ŋ bòli nyàŋ e wùìyèɛ diɛŋ.