1 Kɔliìŋ 1:27 - WƆŊ FƐ̀Ì EBÒ SÌÀŊ DAYÀA

²⁷ E nɛ̀ɛŋ e ɗuunyaàŋ naŋ nyààŋ e ɓàaɓàa lɛ̀, tiŋ wo Dayà naŋ tàeɗùù titi wèè esaɓù, tiŋ nàŋ yaà wèè wo sìà anyuùŋ kɛ̀ɛ̀jii nyàŋ e sàngè, yèè wò naŋ ɓèmè e nɛ̀ɛŋ e ɗuunyaàŋ nyaaŋ e zɔ̀kpɔ̀ lɛ wèè wo sìà anyùùŋ gààŋ nyaŋ e sàngè.

1 Kɔliìŋ 1:27 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 21:16

Yèè àŋ naŋ dàwè wo Jisɛ̀ nyààŋ, “Màŋ kòmàŋ e nɛ̀ɛŋ aŋ jɔ̀àkàiŋ nyiiŋ àŋ yaà woo lɛ̀?” Wo Jisɛ̀ naŋ fasàì wààŋ, “Hɛ̀ɛɛ̀ŋ, kà niŋ kòmàŋ! Kòò nìŋ kpɛ̀nɛ̀ŋ è nɛ̀ɛŋ wɔ̀ŋ fɛ̀ì Dayàa naŋ woò lɛ kɛ̀, ‘Aŋ jɔ̀àkàiŋ jɔa nyàŋ yèè aŋ jɔaa bɔwɔ nyàŋ do nàŋ kìɛ̀ŋ maŋ mìè tɛ̀nɛŋ?’ ”

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 7:35

“Wo Mòòze nàŋ yaà wa wo nyùnɔ̀ɔŋ anyùùŋ Ezɔ̀ɛ̀ nyaŋ gò wa jàà kùàŋ dìì wɔ. Àŋ nauŋ wa dawè nyààŋ, ‘Ɓòò naum nyɛ̀nɛ̀ŋ wo kana yèè wo nyuùŋ gbàì gòlàà diɛŋ wi?’ Wuŋ nàŋ yaà wo nyùnɔ̀ɔŋ wo Dayà naŋ wa tùɔ̀ŋ wèè wo nɔ̀ŋ wo sìèfèìŋ anyùùŋ nyaŋ, e kìlà wèè wo nyiŋ gè e mɔ̀ɔ̀nɛŋ nyiŋ nɛ̀ dìì e yìwìà e kpùùmàŋ wo màikàa nauŋ wa fòlò feìŋ wɔ e ɓìè hmɔɔ̀ŋ kùwa gbeeɛ̀ sùà wɔ.

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 2:12

Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.