1 Kɔliìŋ 1:26 - WƆŊ FƐ̀Ì EBÒ SÌÀŊ DAYÀA

²⁶ Nyɛ̀iŋ nààŋ wùìyaim nyàŋ, jaà jii e ɗeweɛ̀ nìŋ yaà wa pangàà wo Dayà naiŋ nyààŋ lɛ. E yìwìà e ɗeweɛ̀ maŋ kèìŋ nyuùŋkpùuŋ yɛmɛ̀ e keì dììo sùà lɛ, nyɛ̀iŋ nyɛɛ̀ŋ bà nyiŋ nìŋ kuwa wa è jiikɛ̀ɛ ɔ̀ɔ̀ e gààŋ ɔ̀ɔ̀ nìŋ naŋ fòlò maŋ kpoo kɛnɛ sùà yèè niŋ gò mùngà.

1 Kɔliìŋ 1:26 ပူးပေါင်းရင်းမြစ်များ

Luù 1:3

Miàŋ bi kà nyɛ̀nɛ̀ŋ maŋ nɔnɔŋ tùaŋ wèè maŋ keì mɛɛ̀ŋ gbiŋ tɛ̀ɛ̀ e yìwìà ko tɔɔtuì, weètii mìŋ naŋ ɗewè wèè ka sìngà maŋ keì mɛɛ̀ŋ guùŋ guùŋ, màànààŋ màŋ naŋ kaaìŋ lɛ. Dàa Tìɔ̀felɔ̀,

Luù 10:21

E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Nyɛ̀nɛ̀ŋ 13:12

E kàa kii lɛɛ̀ naŋ wa fòònò wo nyuùŋ gbeeɔ̀ nààŋ wò naŋ yɛ̀mɛ̀ e yèɛ naŋ wa kaaìŋ lɛ e nyaàiŋ dè wo Kanaà. Kpeiŋ wò naŋ sìè e hààweuŋ nɛ̀ wo Kanaà sùà.

Nyɛ̀nɛ̀ŋ 13:7

Wo Ɓà-Jisɛ̀ hewa ɓɛìŋ tomo wèè wo Sɛ̀giiù Pɔɔlù. Wo Sɛ̀giiù Pɔɔlù nàŋ yaà wa wo sìèfèìŋ ke tiìɛŋ yèè wò naŋ wa nyìmè e keì fèemàŋ. Wò manaŋ wa wèè wo kòmàŋ ke mìè Dayàa, Kpeiŋ wò naŋ tùɔ̀ŋ wèè wo Bànaŋɓà yaà wo Pɔɔ̀, wo yèɔ àŋ hewa nyààŋ Sɔɔ̀ wɔ.

Nyɛ̀nɛ̀ŋ 17:34

anyùùŋ nyaŋ bà nyiŋ naŋ wa hààwè wo Kanaà yèè aŋ naŋ dè wo Pɔɔ̀ maŋjɛ̀wɛ. Wo bà guùŋ nàŋ yaà wa wo felaaà àŋ nyaaŋ wo Dieninsɔ̀, wo màmàŋkùmɛɔ̀ŋ bà guùŋ, yèè wo nìe bà àŋ nyaaŋ wo Dàmalì yèè aŋ zimgbe nyiŋ naŋ wa kìlè koɓɛ̀ wo Kanaà e hààwe sùà.

Luùm 11:29

Wo Dayà fè kìlà kè jiiuŋ nɛɛ̀ŋ wèè wo nyùnɔ̀ɔŋ wò naŋ tàeɗùù yèè wò kiɛ̀ŋ e kpùùmaŋ wɔ̀.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 2:13

Wèètii, e fèiŋ gbòà màŋ mìè maŋ è jììkɛ̀ɛ̀ nyuùŋkpùuŋ kaà nyùùŋ maŋ, sɔɔ̀ maŋ mìè gbòa màŋ wo Jìnàŋ Dayàa kaà wì maŋ, nààŋ è nɔ̀ìŋ kpìnìè maŋ tɔ̀ɔ̀nyaàŋ maŋ wo Jinàaŋ sùà koɓɛ̀ anyùùŋ nyaŋ kuwa wo Jìnàŋ Dayàa nyàŋ.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

Fèle 4:22

Anyùùŋ nɛɛmaŋ nyàŋ gbiŋ naiŋ tùɔ̀ŋ zùùmo, ɓɔɔɓɔɔ aŋ yè nyaŋ toomàŋ ko sààŋ gbèè Kanaà Siisɔ̀ nyaŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.