1 Kɔliìŋ 1:14 - WƆŊ FƐ̀Ì EBÒ SÌÀŊ DAYÀA

¹⁴ Mìŋ naŋ gè wo Dayà ɓaikà wèè miŋ gò gùà nyɛ̀iŋ nyɛɛ̀ŋ bà gbiŋ sɔɔ̀ wo Kulesipɔ̀ yaà wo Gayɔ̀.

1 Kɔliìŋ 1:14 ပူးပေါင်းရင်းမြစ်များ

Nyɛ̀nɛ̀ŋ 10:48

Kpeiŋ wo Pììlɛ naŋ woò wààŋ aŋ nɔ̀ŋ gùa nyiŋ e dèè Jisɛ̀ Kulaìɛ sùà. Eɓìèmàŋjɛ̀wɛ̀ tii, anyùùŋ nyaŋ nauŋ dawè wèè wo nɔ̀ŋ nyiŋ nee gòlò wèè maŋ ɗɔɔ kpàa bà.

Nyɛ̀nɛ̀ŋ 18:8

Wo Kulesipɔ̀ naŋ yaà wa wo sìèfèìŋ ko sààŋ zòòlò aŋ Juùù nyaŋ ko Kɔliìŋ. Wuŋ yèè anyùùŋ nyaŋ gbiŋ ke kpoouŋ nɛɛ̀ŋ sùà naŋ wa sìè e hààwe nyiŋ nɛ̀ wo Kanaà Jisɛ̀ sùà. Anyuùŋ zimgbe e yìwìà ko Kɔliìŋ naŋ wa kòmò ke miè gbìaàŋ, yèè anyùùŋ nyaŋ gbiŋ naŋ wa hààwè wo Kanaà Jisɛ̀ nyaŋ naŋ wa nɔ̀ŋ gùa nyiŋ.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.

1 Kɔliìŋ 1:15

Wo nyuuŋ noo nyùùŋ, muŋ fè ɓɛ̀nɛ̀ŋ wòo mààŋ, mùŋ naŋ wa guò wèè maŋ nɔ̀ŋ wò nyùùŋ màŋjɛ̀wɛ̀im.

1 Kɔliìŋ 1:4

E teenga gbiŋ mìŋ gè wo Dayà miɔ̀ŋ ke sɛ̀ weèiŋ, e fèfoo wèè e tɛ̀ɛ̀tɛ̀ɛ̀ɛ wò naiŋ fè esàɓù Jisɛ̀ Kulaì sùà lɛ.

1 Kɔliìŋ 14:18

Mìŋ naŋ gè wo Dayà ke sɛ̀ mìŋ gboo maŋ kaìŋ joo sùà zimgbe e nìàŋ nyɛ̀iŋ nààŋ bà nyiŋ.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

Felemɔ̀ŋ - PHM 1:4

Felemɔ̀ŋ, sèè mìŋ nɔ̀ŋ zoolo e teenga gbiŋ sùà, mìŋ nyaaŋ e dee mɔ̀ɛ̀, e kìlà mìŋ gè wo Dayà miɔ̀ŋ ke sɛ̀ e weèum.