1 Kɔliìŋ 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè wo nɔ̀ŋ wo keela tàeɗùù wèè Jisɛ̀ Kulaì wɔ, yèè wo wùìya wiɔ̀ Sòtinè

1 Kɔliìŋ 1:1 ပူးပေါင်းရင်းမြစ်များ

Luù 6:13

Wɔŋ niìsìaà bàa wò naŋ nyààŋ anyùùŋ màŋjɛ̀wɛ̀uŋ nyàŋ gbiŋ wèè aŋ gbɛ̀ɛ̀uŋ kɔɔ fɔ̀ɔ̀. E yìwìà anyùùŋ bi e tɛɛ, wò naŋ tà aŋ kpàkòò zììyà jɛ̀wɛ̀ tìyèe ɗùù aŋ yè nyaŋ wò naŋ nyààŋ aŋ keela tàeɗùù nyaŋ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 1:2

e jèèsùà e hàì ke ɗɔɔɛ̀ wo Dayà nauŋ wa jùwìè ko àìjɛnɛ̀ŋ lɛ. Wèè paŋ wo nɔ̀ŋ wa jòòwouŋ, wo kanaà Jisɛ̀ naŋ wa wòò maŋ mìè gbòa e yìwìà e gààŋ wo Jìnàŋ Nɛɛmaàŋ sùà koɓɛ̀ aŋ keela tàeɗùùuŋ nyàŋ wò naŋ jàà e ɓula titi nyàŋ wèè e nɛ̀ɛŋ àŋ kuwa wa aŋ nyɛ̀nɛ̀ŋ lɛ.

Nyɛ̀nɛ̀ŋ 18:17

Nààŋ tii naŋ kaaìŋ, aŋ Juùù nyaŋ naŋ kùwò wo Sòtiniìŋ, wo sìèfèìŋ ko sààŋ zòòlò aŋ Juùù nyaŋ, yèè àŋ nauŋ ɓùlò kè sààŋ sàwàa feìŋ. Kɛɛ wo Gàliò gò wa ngèè pɛɛ kpɛɛ̀ŋ wèètii.

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 1:10

e teenga gbiŋ e zòòlo mɛ̀ sùà. Mìŋ dawà wo Dayà e yìwìà e tɛ̀ɛ̀tɛ̀ɛ̀uŋ nɛ̀ sùà, wèè woim gè nyààŋ diɛŋ kaiŋ naàŋ jaamè.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

1 Kɔliìŋ 15:9

Miàŋ nàŋ yaà wo keela tàeɗùù tòloòɔ aŋ keela tàeɗùù nyaŋ sùà, miŋ fè tɛ̀ɛ̀ wèè aim nyààŋ wò keela tàeɗùù, esaɓù kɛ̀ mìŋ naŋ ɓùlò anyùùŋ e yìwìà ke gbòò anyuùŋ hààwe Dayà nyaŋ sùà.

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

2 Kɔliìŋ 11:5

Mìŋ naŋ gongò kɛ̀ mìŋ yaà nɔŋ wo keela tàeɗùù siaàŋ bà guùŋ mààŋ àŋ keela gbànàŋ nyàŋ àŋ nyaaŋ aŋ keela tàeɗùù titi nyàŋ lɛ.

2 Kɔliìŋ 12:12

Maŋ kèè mèè maŋ yaà maŋ tòmò gààŋ gbee màŋ naŋ kaaìŋ wèè maŋ tɔɔ̀ kɛ̀ mìŋ yaà wo keela tàeɗùù lɛ, mìŋ naŋ kùwò ke jii ka kààìŋ maŋ gbiŋ e tɛɛiŋ.

2 Kɔliìŋ 8:5

È naŋ nìè e yèɛ è he weè nàŋ kùwìè jii tùlia weè niŋ lɛ̀. Jiɛ̀, àŋ naŋ fè nyiŋ bi wo Kanaà, yèè esàɓù e gààŋ Dayàa sùà àŋ naŋ wi ɓɛìŋ fè nyiŋ bi.

Gàla 1:1

E yìwìà miàim Pɔɔ̀ sìwè, nàŋ yaà sìngìè wɔŋ fɛi wɛɛ̀ŋ. Wo Dayà naim nyààŋ wèè ka nɔ̀ŋ wo keela tàeɗùù wèè Jisɛ̀ Kulaì, yèè e nyàaŋ mɛ gò e yìwìà nyùùŋ kpùuŋ ɔ̀ɔ̀ è gààŋ nyuùŋkpùuŋ sùà, kɛɛ è naŋ yìwìè wo Jisɛ̀ Kulaì yaà wo Dèdaà Dayà wo yèɔ naùŋ gè e fàaà dìì wɔ.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Kòlo 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè ka nɔ̀ŋ wo keela tàeɗùù wèè wo Jisɛ̀ Kulaì wɔ, e kìlà e yìwìà wo wùìya wiɔ̀ Timetè sìwè,

1Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa sùà, àŋ naim tùɔ̀ŋ wèè ka wòò e kèè ɗààhiìɛ wo Dayà naŋ wa ɓemè wèè wɔŋ nyiiŋ gèeɔ̀ è kùwaìŋ nààŋ è yààìŋ aŋ bàwibà wo Jisɛ̀ Kulaì sùà lɛ.