Matiu 5:35 - Weri

³⁵ Ën e yangerakëlta mëak kosang wasnganok. Yang epëreta Anutu pim ingesiarë urte pötaanök. Ën Yerusalem kakëlta yapin mëak kosang wasnganok. Yerusalem pö Omp Ak kaöapë ka kësangö pötaanök.

Matiu 5:35 ပူးပေါင်းရင်းမြစ်များ

Matiu 5:36

Ën nim kepönöökëlta ngön nent kosang wasnganok. Nuuk yok pangk kepön ëp naön maan koöre kölam naëpan pötaanök.

Ngön 7:49

‘Aköp pi epël ëa. Ne kaöap kutömweri wë omën pout ngarangk ëak wëaup. Ën yang pipër nem weëre kosangöökë iri wia. Pötaanök arök yok pangk ka nent nem wel aisëeë kë sumaan ök nenerangan sa.

Ënëma Ngönte 21:10

Pël neaan Pulöökë weëre kosangö nem naë oröön ensel pöpök ne wa newak së tomön wali panë naöök neulëak Yerusalem ka ngëëngkö Anutuu naë kutömweriaan yeiraan pet elnëën itenaut.

Ënëma Ngönte 21:2

Pël ëën ka kësang ngëëngk Yerusalem ngolöpöön itenaut. Ka ngolöp pö Anutuu naë kutömweriaan yeiraan itenaut. Pö ë rangi ompyaö panë nant ëak wëa. Pöt öng namp pim omp yaö ëak wëaup öpënëak ë rangiak wë pöl ëak yeira.