Ënëma Ngönte 22:12 - Weri

¹² Pël yenëaan Yesuuk kaalak epël ök ya. “Kat wi. Ne teëntom pan waisumaap. Ne omën pouröa sumat wak wais pitëm omnant yaautë kangut neenemot mempaap.

Ënëma Ngönte 22:12 ပူးပေါင်းရင်းမြစ်များ

Matiu 16:27

Omën Këëp nem Pepapë ëwaö nem rangk wiaan nem enselörö koirak waisumaap. Pël ëak omën pourö neenem wëwëatë kangut mempaap.

Rom 14:12

Pötaanök tiar omën pourö tiarim wëwëatë songönöt Anutuun ök mepenaat.

1 Korin 3:14

Pël ëën omën narö wap weë pötë rangk ök rëën esuwesök nokotön ëëpna pörö Anutuu naëaan kangut öpnaarö.

1 Korin 3:8

Yangëntaupre nön yatiaup piarip kopëtalaar. Ën sum öpna pöt neenem ya yamëngkauta ökök Anutuuk namp nal mangkën öpnaat.

Ënëma Ngönte 11:18

Yangerakë omën niin köpëlörö ya sangën elnieim wë, ën nim pitëmëën ya sangën elmëëmë pöt yok peene yaarö. Nim omën wel wiauröa wël ëak kangut mampë pöteta yok yaarö. Peene nim inëën ru tektek ngön yaaö omën pöröere ën nim omën pourö, kotre kaö, niin kasinkasin yaalnia pörö pit ompyaö kangut mampëëp. Pël ëak omën yang omnarö utpet yewesauröeta utpet mowasumëëp.”

Ënëma Ngönte 2:23

Pël ëak öng pöpë wëwëeta ënëm yaaurö mën wel mowiimaat. Pël ëën ka nantë ingre mor saurö pöten itenak ne omën pouröa könre lup wël yaaup pöten ëwat sëpnaat. Ne tapöpök ar omnarö neenem omnant yaautë kangut nimpaap.

Ënëma Ngönte 20:12

Pël yaëën itaangkën omën wel wiaurö kotre kaö omp ak urtak wel aisëeëa pöpë ëöetak taueëa. Pël ëën pep nant yawil. Pël ëak newer yawil. Pöwer wëwë kosangta pepewer. Pël ëak puuk omën wel wiaurö pitëm wëwëatë songönöt pep pötë iteneë wël yaalmë.

Ënëma Ngönte 22:20

Ngön epot tekeri wesa pöpök epël ya. “Yaap, ne teënt waisumaap.” Yaap. Aköp Yesu, ni wais.

Ënëma Ngönte 22:7

Pël yenëaan Yesuuk epël ök ya. “Kat wieë. Ne teëntom waisumaap. Omën namp nem tektek ngön pep epweri wia epot ngaarëk weim öpna pöp pi ërëpërëp ëëpnaap.”

Ënëma Ngönte 3:11

Ne akun kot nent won sëën arim ngësë waisumaap. Pötaanök omën nampök irikor elniin arim ompyaö yaauta kangut naön ëënganëën ompyaut arim naë wia pöt kosang wes wak ön.