Ënëma Ngönte 18:10 - Weri

¹⁰ Pit Papilon ka kaö pöökë omnaröa këlangön kat yawia pöten itenak pitta tapël ëëpanëak kas ëën om kamaarek taueë epël apnaat. “O yakom, ka kaöaöön yaköm pan. Papilon ka kaöaö, 1 aöa akun kot pita öngpök nim saunatë kangiir utpet yaën.” Pël yaan kat wiaut.

Ënëma Ngönte 18:10 ပူးပေါင်းရင်းမြစ်များ

Ënëma Ngönte 11:8

Pël ëën omën pöaarë sokuraar ka kësang piarpim Aköp këra yetaprak möön wel wia pöökë kamtaöök mowiin wiaapnaat. Ngön nokoliitak ka pöön Sotomre Isëp pël ya.

Ënëma Ngönte 14:8

Pël aö yesën ensel munt namp pim ënëm yesem epël ya. “Kat wieë. Papilon ka kaöaö omën naröak yok utpet yewas. Yaap, pit utpet panë wesak tööl yoola. Omën ka pöök wëa pörö öng omp nga yaaö nampë wain iit omnarö mangkën nak piiring utpet yaë pol pitëm utpet yaaö pöt yang omën pouröen rë moulön ulöl sa. Pötaanök pitëm ka kaöaö töölön pitta kö yes.”

Ënëma Ngönte 16:19

Pël ëën Papilon ka kësang pö luptak weerak 3 wasën omnaröa kaat tööl ngentiak utpet yes. Pöt Anutuuk Papilon omnaröa utpet yaautön kön wiak omën nampë muntap wain i ngaat mangkën nak këlangön kat yawi pöl pitën ya sangën kaö elmëën utpet yes.

Ënëma Ngönte 17:12

“Ën watöt 10 ëak nim itenaö pöt omën omp ak 10 pöröenök ya. Pörö pit peene omp ak nasën wë. Akun kot panë 1 aöa ke pil pötak weëre kosang wak animaö nga pöpring omën omp sak öpënaarö.

Ënëma Ngönte 18:18

itaangkën ka pö es yokotem koulöpöt oröak yesën itenak ngön ëak epël yema. “Elei, ka kësang epöökë ök naö e nerek wi naön, won pan.”

Ënëma Ngönte 18:19

Pit pël mëak kaplak ilaimeë ingre ya ilak ëak epël aim wë. “O yaköm, ka kësang epöön yaköm pan. Wangatë ngarangk yaaurö tiar ka kësang epöökë urömat wak yesem monere uröm kësang weimaurö. Akun kot 1 aöa pöta öngpök ka epö kö yes.

Ënëma Ngönte 18:21

Ën ne kaalak itenaan ensel weëre kosangring nampök kël kësang panë naö wak wal ëak i kaöök yoolëem epël ya. “Nem këlö i kaöök yoolak epël Anutuuk ka kësang Papilon pö utpet wasën sasa kö sëën kaalak itnaangkan.

Ënëma Ngönte 18:8

Pimtok kön korar pöt wieëa pötaanök kët kopët nentak utpet epot pim naë orööpnaat. Anutuuk maan yaumanre ngöntök yaaöre ën ingre ya ilak yaaö pöt orööpnaat. Aköp Anutu utpet kangut yemengka pöp weëre kosang kësang yaaup yak puuk maan es kotöpnaat.” Pël yaan kat wiaut.