Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Taytus 3:2 - Kaa n Kəzə̀ n fəghə mə

2 Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

အခန်းကိုကြည့်ပါ။ ကော်ပီ




Taytus 3:2
35 ပူးပေါင်းရင်းမြစ်များ  

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.


Pɔl n dza nə̀, “Waazə ghə, n mə khə way nə̀ a wən loʼ fɔɔngili u nii nii wə, n təŋkey ghə tɔ̀ɔ naŋa n màʼlə K-a-zə̀ nə̀, ‘Wù khə way ni ghɔɔmə bəəbə ighəə tə wù wey tə laalə ghə̂ ghə.’”


ghə̂ a tsɔŋɔ ghə, ghə̂ ghey ghə shiənə n sə ghə n fə u mbi, ghə̂ a khəə ghə nlə ghə, ghə̂ ghey ghə khəə kaabənə fəghəm tə, nsə ghə̂ a tsɔŋɔ ghə. Ghə̂ ghən adzəm nə̂ way ni zə̂ koʼ Fɔɔ u Kəzə̀.


Nghee n loʼ kənə nə̀ n fwaʼa way n tənə wù loʼ, way soʼo kɔd kə wù loʼ, mə n naŋa wû wuŋ wə nə̀ n doʼo kəkɔd tə̀ ghə̂ ghə adzəm, sey nə̀, abə jìi loʼnə n loʼ ni ndəŋ kwu zə̂ bə ndəmə aghə̂ tə̀ Klisto.


À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.


N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.


Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,


Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.


À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.


Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.


Ghaa khə ni buu naŋa ni khə nyiʼi fə n fə̀ŋ, ghaa buu naŋa fəmbow, ghaa buu naŋa soʼo nəghə u fəə wə. Kə ghaa nə̂ keelinə zuu zə. Kə̂ ghaa nə̂ kpaalənə ghə̂ ghə, bəəbə kaabə zəd a ghə. Kə ghaa nə̂ zuŋŋə naŋanə moʼlə tə bəbə tə n fə̀ŋ tə ghaa.


Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.


Ghey â tsəm khənu daʼa kə tə̀ a loʼ ngəd tə Klisto ni bəb ghaa n fə̂ wə, ghey n fəd say kɔʼ ni laalə tə̀ ghaa tə̀ này waa nə buulə laalənə tə̀ waa wi.


Weyzən wən tə loʼnə wù wən tə gaamənə n dzəŋi kə dzûmə tə Klisto, teeli khə soʼo ni khə bəghəm i fə̀ŋ zə, khə mwam u dzuŋu wə. Tə khə way ni ghɔɔmə ghəə a bəbə ghə bòʼ aghə̂, tə khə soʼo way ni ngii ləghə lə mə.


Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.


A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.


Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.


Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.


I loʼ tə̀ i tɔ̀ɔ doʼonə n màʼlə K-a-zə̀ nə̀, “Wù wey tə ləghənə ni muu nə iduʼlə Ləghə soʼo nə̀ ghəə a dzuŋu ghə i shiə tə̀ wi tsuʼu n dzəm, Tə khə ni buu naŋa ni ghɔɔmə ghəə a bəbə ghə Tə buu naŋa soʼo ni badla ghəə ghə.


Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.


Dzuu i nya zum ghə̂ ghən ghə khə way Zə̀ kə nghee ghaa kəm təmə dzəŋi way ghə n dzəə dzəə kə imuu key ghə muunə ghii kə, à wey loʼ ghə i tii zə ghə kpaalə kaabə tsənə ghaa.


Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.


Ghə̂ ghən a maŋa kpaalə kənə fə kə nə̀ ghə buʼ khə way fə kə tii kə. Ghə maŋa ghəŋŋə ghəə zey ghə moʼlə kɔʼnə ni ghəŋə tə a loʼ nyam tə mbvən tə. Ndzoʼo ghəə ghən ghə ghəŋŋənə loʼ ghəə ghey a ləŋi maʼanə ghə.


N jii i mɔʼɔ zə, ghə̂ ghən keeli njim, n ghəŋŋənə ghə nə̀ ghə i dzəələ wû i ghə zə. Ghə tuu maʼlə daʼa key Zə̀ kə khənə ghii kə, kpaalə soʼo daʼa wey u khənə kɔʼlə mə idəŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ