Taytus 3:14 - Kaa n Kəzə̀ n fəghə mə

¹⁴ Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Taytus 3:14 ပူးပေါင်းရင်းမြစ်များ

Matyo 21:19

Tə n koʼ ndòw kaʼ fə Fig fə loʼ fə n səə jìi, tə n ndòw fu moʼlə kə nə̀ tə i keelinu tam u loʼ wə fu, ka koʼ kəfə. À n loʼ tən kə təfəbə. Sey, tə n dza ndòw tə̀ kaʼ fə tii fə nə̀, “Wə nə̂ kəm mə̂ koʼ tsə way tam wə tə̀ mbi nə bə may.” Kaʼ fə tii fə n daŋŋə zum i kɔʼ.

Matyo 7:19

Abə kaʼ fə mə̂ə way tam u dzuŋu wə, ghə n fùŋ maʼa tsu, kpəghə ndòw nə uvəllə.

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Kəfwaʼ 18:3

Tə n ndow muu dzəŋi ndow ghi ghə, fwaʼa dzəŋi soʼo ghi ghə n təŋkey ghə â taŋi fə wən ghə tsədənə fəə mə tii tə aloʼ wi.

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Roma 15:28

Abə mə i mayyə kɔʼnə fwaʼ kən, fuu tsəghə ndow soʼo khəə wən ghə â tsowwə kɔʼnə tə ghə, mə i daŋŋə bə ni bə koʼ ghaa abə n ndownə n Spen.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:16

N nəŋə zey mə â buʼ loʼ kə nə n naʼ i Tesalonika, ghaa mâ tûm mə n gaamə zə n ndəmə tənəŋə. Ghaa â bɔɔmə tûm bə mə n gaamə zə n nəŋə zey mə â ləghənə gaamə zə a tii.

Filipi 4:17

N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

2 Tesalonika 3:8

Ghey ka zə̂ dzə fə̂ kə wù kə kənunu. Ghey fəllə fwaʼanu nəŋə tədzəm n tsuʼu tə nsə n tsə̂ tə sey nə̀ kə̂ ghey nə̂ doʼlənə tə̀ a loʼ kəfəmmə tə wù ghaa u loʼ wə.

Taytus 2:8

I dii kə ghəə ghey a kpiinə nə̀ wù loʼ way ni khə̂mə wɔ, sey nə̀ tow kə i dəd ghə̂ a təngəmə ghə abə ghə i laalə kii tsunə ghə i bəbə zey ghə loʼ ni dza tow u saa.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

2 Pita 1:8

Abə ghaa ndəŋə keeli kɔʼɔ ndownə ghəə ghən n taŋŋə tsu bənə fa, ghə i ghəŋŋənu ghaa nə̀ ghaa i fwaʼa dzɔbə, məə bə soʼ tam u dzuŋu wə. Ghəə a tii a nə dii tsu nə̀ ghaa khənu Mûkəbii saa Yeso Klisto.