Taytus 1:15 - Kaa n Kəzə̀ n fəghə mə

¹⁵ Fə udzəm u zownu tə̀ ghə̂ ghən ghə zownə. A kee bə ghə̂ ghey ghə fwɔdlɔnə luʼu tə, bəghəm soʼo way tə̀ Zə̀ kə, aghəə adzəm tə̀ ghə loʼ ghəə a dzəə ghə n təŋkey, moʼlə tə ghə nsə fə̀ŋ tə ghə tə fwɔd doʼo soʼonu.

Taytus 1:15 ပူးပေါင်းရင်းမြစ်များ

Matyo 15:18

Ghəə ghey a kee shiə bənə n dzuu i wù, a nuu bə n fə̀ŋ ə wi. À wey loʼ fə wey u dzəələnə wi.

Kəfwaʼ 10:15

Dzə̀ ə tii n ghɔɔmə kpiʼi bə tə wi nə̀, “Fə key Zə̀ kə sòw naŋa tsunə, ka tɔŋɔ dzə nə̀ à loʼ fə kə dzəə kə.”

Roma 14:14

Nghee n loʼnə nə kəfə kəmɔʼ ghi Mûkəbii Yeso, n ndzəm khənu nə̀ fəzəə u loʼ u way, u loʼ ni ghəŋə nə̀ wù i bəbə n sə K-a-zə̀. Abə wù loʼ kee moʼlənə nə̀ fəzəə u loʼ u loʼnu u ghəŋŋənə nə̀ wù i bəbə n sə K-a-zə̀, kə tə nə zə̂ənə fəzəə u tii wə n təŋkey abə tə zə̂nə fəzəə u tii wə, tə n sey ghəŋə bəəbə n fə̀ŋ ə wi.

Roma 14:20

Kə fə key wə zə̂ənə nə bəəbə maʼanə fwaʼ K-a-zə̀ n fəŋŋə kə dzûmə tə Klisto. À loʼ kənu isəŋə nə̀ nfəzəə n dzəm n dzɔbənu tə Zə̀ kə, à kee loʼ nə̀ i dzɔbə way tə wù ni zə̂ fə key kə i ghəŋŋə nə̀ dzûmə ə Klisto u loʼ u bwu səə n bəghəm i fə̀ŋ i wi.

Roma 14:23

Wù wey tə kee səmənə abə tə dza i zə̂ kəfə, nə̀ tə zə̂ ndownu fə kə tii kə, Zə̀ kə n ney nə̀ wù tii n ghəŋə bəəbə n təŋkey, tə ka ghəŋə dzə ghəə zey i diinə nə̀ tə bəghəm tə̀ Zə̀ kə. Ghəə ghey adzəm wù ghəŋŋənə nə̀ a dii bə nə̀ wə ka bəghəm tə̀ Zə̀ kə, loʼ ghəə a bəbə ghə.

1 Kɔrint 10:23

Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀ a way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ saa ka ghəŋə ghəə zey saa ləghənə ni ghəŋə.” À kee loʼ nə̀ à way dzə aghəə adzəm a gaamənə ghaa ni bəghə muu i ghaa.

1 Kɔrint 10:25

Sey, ghaa loʼnu ni fə̂ nyam abə a loʼ dzə nə̀ i nuu bə n tay i nyam nə̀ ghaa bəbə way ghəə ghə sey nə̀ kə fə̀ŋ tə nə saʼanə ghaa.

1 Kɔrint 10:31

Sey, nə̀ wə zə̂ənu nkee wə məənu, nkee ghə i ghaa zə wə ghəŋŋənə, i ghəŋŋə ndow ghəə ghə adzəm ni fuu nkɔʼlə tə̀ Zə̀ kə.

1 Kɔrint 8:7

À kee loʼ nə̀ à way dzə aghə̂ adzəm ghə khənə isəŋə zən. Ghə̂ a loʼ ghə n khəələ doʼo n ghəə ghə mmuʼu n jìi zey abə ghə zəənə fəzəə wey ghə fuunə tə a loʼ umaʼlə tə̀ muʼu mə, fə̀ŋ tə n fəmmə ghə, ghə sə loʼ nə̀ fə̀ŋ tə ghə tə ka kam tɔʼ beyyə n ghəə a Kəzə̀, ghə n moʼlə kə nə̀ ghə sey dzəələ dzə wû i ghə n sə K-a-zə̀.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.