Roma 9:3 - Kaa n Kəzə̀ n fəghə mə

³ N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

Roma 9:3 ပူးပေါင်းရင်းမြစ်များ

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 28:21

Ghə̂ ghey n dza tə Pɔl nə̀, “Ghey ka kam koʼ dzə màʼlə kə loʼ kə fa, kə nuu bə n Judeya kuum wɔ. Waazə a saa ghey ghə buʼu bəghə tsənə fa, u loʼ u ka kam bə naʼa koʼ tsə nkee ni dza koʼ tsə ghə i bəbə i loʼ zə kuum wɔ.

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Roma 11:1

N bəbə nə̀, à loʼ nə̀ Zə̀ kə n tuu maʼa ghə̂ a wi ghə ə? Ngaŋ à way dzə sey. Wû wuŋ, n loʼ wù Izree, waa waa Abraham n sali ndaw i Benjamin.

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 16:11

Tɔŋɔ zow ndow waazə wuŋ tɔŋŋə Herodion. Ghaa tɔŋɔ zow ndow dzûmə tə Klisto tey n ndaw Nasisus.

Roma 16:21

Timoti wən tə fwaʼa dzəŋinə ghi mə tûm bə tɔŋɔ zow i wi tə ghaa. Ighələ tə Lusiɔs, Jason nsə Sosipata, ghə loʼnə waazə ghuŋ ghə, tɔŋŋə zow bənə.

Roma 16:7

N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

Roma 9:2

Isəŋə tii loʼ nə̀ n ngii mownu, fɔɔbə zey n khənə n fə̀ŋ zuŋ bòʼ ghə̂ ghuŋ, i may way.

1 Kɔrint 12:3

N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

Galeshia 1:8

Abə à loʼ kə ghey nkee tsəndəghə Kəzə̀ tə nuu bə idəŋ naʼlə bə tûm i dzuŋu i nuu zə nə̀ a way dzə tûm i dzuŋu zən ghey â naʼanə tə ghaa, n gɔŋŋə nə̀ Zə̀ kə ləŋ naŋa ndzoʼo ghə̂ a tii ghə.

Galeshia 1:9

Tə ghey â buʼ dza dzə nə̀, n nam dza kuulə bə tə ghaa nə̀, abə a loʼ kə wù ghaa wə tə naʼlə tûm nuu zə tə ghaa, nə̀ a way dzə tûm zən ghey â naʼlənə tə ghaa, n gɔŋŋə nə̀ Zə̀ kə ləŋ naŋa ndzoʼo wù tii!

Galeshia 3:10

Zə̀ kə i ləŋə naŋŋə ghə̂ ghən ghə muunə nə ghə naŋŋə kəlaŋ, n təŋkey i tɔ̀ɔ doʼo n màʼlə K-a-zə̀ nə̀, “Zə̀ kə i ləŋə naŋŋə wù wey tə ka naŋa laŋ wən u tɔ̀ɔ doʼo n màʼlə k-a-laŋ udzəm.”

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

Efesus 6:5

Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.