Roma 9:22 - Kaa n Kəzə̀ n fəghə mə

²² N jii i mɔʼɔ zə, nghee Zə̀ kə tsəm khə kə nə daʼa kə ni dii nəghə u wi u fəə wə tə dii soʼo daʼa kə wi, tə u tsəm kɔʼnə ni kow fə̀ŋ ghi ghə̂ ghey ghə ghəŋŋənə nə̀ tə i fəələ n nəghə wə, nə̀ a loʼ aghə̂ nə̀ i mə kpi ni buʼ ləŋi maʼa ghə.

Roma 9:22 ပူးပေါင်းရင်းမြစ်များ

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 9:17

À wey loʼ ghə i tɔ̀ɔ doʼo n màʼlə K-a-zə̀ nə̀ Zə̀ kə â dza tə̀ Ferɔ nə̀, “Zuŋ key mə sàynə wɔ nə̀ wə doʼo kədə̀ŋ â loʼ ni ney wɔ, n dii daʼa key n khənə, n ghəŋə soʼo nə̀ aghə̂ adzəm fa n mbi fuu zɔŋ wə n zəd zuŋ.”

Roma 9:20

À kee loʼ nə̀ wù loʼ way dzə tə khənə daʼa kə loʼ kə ni ghɔɔmə ballə ghi Zə̀ kə. Ghaa moʼlə nə̀ ndzəŋ fə loʼnu ni bəb ndow tə̀ wù wey tə bɔmnə ndzəŋ fə tii fə nə̀, “À loʼ kee wə bɔmnə mə n jii i zən ə?”

Roma 9:21

I loʼ nə̀, wù wey tə bɔmnə ndzəŋ tə, à khə wi daʼa kə n tsaʼ zey i loʼnə n wɔ wi. À loʼ wù wey tə bɔmnə ndzə̀ŋ tə, tə tsəmə kɔʼɔnə ni ney kɔʼ itsaʼ, tə bɔm kɔʼ fəndzə̀ŋ tii, tə naŋa ndow nə̀ a loʼ fə kùm ighəə fə, tə ney kɔʼ tsaʼ i mɔʼɔ zə, tə bɔm kɔʼ fəndzə̀ŋ tii, tə naŋa ndow nə̀ ghə i maŋa fwaʼa zeeli tii.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.

1 Tesalonika 5:9

Zə̀ kə ka saa sày dzə ni ghəŋə nə̀ saa keeli uchɔd. Tə say saa nə̀ saa i loʼ ni keeli ibəghəshi n bam i Mûkəbii Yeso Klisto.

2 Timoti 2:20

N ndaw wù nii, lii tə ufə tə loʼ fu. À kad way kə fə wən ghə faalə nə itsàa nsə n tsâa zə ishɔ̀lɔ̀, fə u loʼ soʼonu fu ghə faalənə nə nkaʼ nsə nə itsaʼ. U loʼ u loʼnu nə̀ a loʼ fə u kuum ighəə, u loʼ wə a loʼ nə̀ à maŋ loʼ soʼo u wən ghə fwaʼa kaabənə tii nəŋə tədzəm.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.

1 Pita 3:20

À wən â loʼ zay u ghə̂ ghey ghə â zow way tə Zə̀ kə n nəŋə zey tə â kownə fə̀ŋ ni ləmə n tsuʼu mey Noa â bəghənə fə̀n kə wi kə. Zə̀ kə â bəghəshi kə sə fə aghə̂ tii n fən kə tii kə. Â loʼ kə aghə̂ ifam Zə̀ kə â bəghəshinə n mmuu n tii mə.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

2 Pita 3:15

Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.