Roma 9:20 - Kaa n Kəzə̀ n fəghə mə

²⁰ À kee loʼ nə̀ wù loʼ way dzə tə khənə daʼa kə loʼ kə ni ghɔɔmə ballə ghi Zə̀ kə. Ghaa moʼlə nə̀ ndzəŋ fə loʼnu ni bəb ndow tə̀ wù wey tə bɔmnə ndzəŋ fə tii fə nə̀, “À loʼ kee wə bɔmnə mə n jii i zən ə?”

Roma 9:20 ပူးပေါင်းရင်းမြစ်များ

Matyo 20:15

N kəm khə soʼo way daʼa kə ni ghəŋə ghəə zey n ləghənə ni ghəŋə n khəə wuŋ ə? Nkee wə khə kəghoʼ nghee n khənə wɔɔ kə buu kə ni fuu tə̀ ghə̂ ghə ə?’”

Lukas 12:14

Yeso n beeli ndòw wi nə̀, “Â towbəghə a fu ndee mə n daʼa kə tii kə nə n doʼo wù wey n saʼanə nkee n dzaw fuunə fə u ghaa wə?”

Roma 14:4

Wə loʼ ndee tə wə i saʼa wù kəfwaʼ a wù nuu ə? À loʼ kə mûkəbii wi tə loʼnə ni dza nə̀ tə fwaʼa dzɔbənu nkee tə fwaʼa dzɔbə way. N daʼa K-a-zə̀, tə i fwaʼa dzɔbənu n təŋkey à loʼ Mûkəbii tə loʼnə ni ghəŋə wi nə̀ tə fwaʼ dzɔb.

Roma 2:1

Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

Roma 2:3

Wɔ wən wə saʼanə ghə̂ a loʼ ghə, loʼ sey nə̀ wə ghəŋŋə soʼo ndzoʼo ghəə a tii ghə, wə kee moʼlə nə̀ wə i nɔbə shiə ngee, abə Zə̀ kə i saʼanə ghə̂ ghə ə?

Roma 9:21

I loʼ nə̀, wù wey tə bɔmnə ndzəŋ tə, à khə wi daʼa kə n tsaʼ zey i loʼnə n wɔ wi. À loʼ wù wey tə bɔmnə ndzə̀ŋ tə, tə tsəmə kɔʼɔnə ni ney kɔʼ itsaʼ, tə bɔm kɔʼ fəndzə̀ŋ tii, tə naŋa ndow nə̀ a loʼ fə kùm ighəə fə, tə ney kɔʼ tsaʼ i mɔʼɔ zə, tə bɔm kɔʼ fəndzə̀ŋ tii, tə naŋa ndow nə̀ ghə i maŋa fwaʼa zeeli tii.

Roma 9:22

N jii i mɔʼɔ zə, nghee Zə̀ kə tsəm khə kə nə daʼa kə ni dii nəghə u wi u fəə wə tə dii soʼo daʼa kə wi, tə u tsəm kɔʼnə ni kow fə̀ŋ ghi ghə̂ ghey ghə ghəŋŋənə nə̀ tə i fəələ n nəghə wə, nə̀ a loʼ aghə̂ nə̀ i mə kpi ni buʼ ləŋi maʼa ghə.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 7:16

Wɔ weyzən wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi num wə ə? Nkee wɔ weynum wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi wey wə ə?

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Timoti 2:20

N ndaw wù nii, lii tə ufə tə loʼ fu. À kad way kə fə wən ghə faalə nə itsàa nsə n tsâa zə ishɔ̀lɔ̀, fə u loʼ soʼonu fu ghə faalənə nə nkaʼ nsə nə itsaʼ. U loʼ u loʼnu nə̀ a loʼ fə u kuum ighəə, u loʼ wə a loʼ nə̀ à maŋ loʼ soʼo u wən ghə fwaʼa kaabənə tii nəŋə tədzəm.

Taytus 2:9

Abə ghə̂ ghey ghə loʼnə kɔd wə, wə khə ni ghəŋə nə̀ ghə i zow tə ghə mûkəbii a ghə ghə, ghə ghəŋə soʼo nə̀ ghə mûkəbii a tii ghə i duʼlə nə aghəə adzəm. Kə ghə nə ghɔɔmə dzəŋŋə soʼonə n dzə̀ tə bəbə tə tə̀ ghə.

Jems 2:20

Laʼlə k-a-fə kən! Wə ləghə nə̀ n dii bə tə wɔ nə̀ abə wə khənə bəghəm i fə̀ŋ zə nə̀ wə ghəŋŋə ndow way ghə̂ a dzuŋu, bəghəm i fə̀ŋ i tii i maŋ loʼ kənunu ə?