Roma 9:16 - Kaa n Kəzə̀ n fəghə mə

¹⁶ I loʼ nə̀, abə Zə̀ kə sàynə wù, tə sày dzə way wù a dza à ləghə kɔʼ wù tii nkee wù tii ghəŋə tsu ghə i loʼ zə, à fədlə tsəmə kɔʼɔ Kəzə̀ ni dìi sî i wi i kwɔɔlə zə.

Roma 9:16 ပူးပေါင်းရင်းမြစ်များ

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 4:8

Satan n ney kɔʼ ndòw wi n kaʼ ù dabə dabə wə, dii ndòw wi n naʼa tə mbi tən tədzə̀m, n ghaʼ i ghə zə,

Lukas 10:21

N nəŋə i tii zə, Zay kə Zow kə n ghəŋə nə̀ Yeso ngii keeli iduʼlə. Kə n ghəŋə nə̀ Yeso dza tsu nə̀, “N fuu kəzɔŋŋə tə wɔ a Bày, wə loʼ Mûkəbii idəŋ nsə n ghəlikətsə, wə nyi naŋa ghəə ghən tə̀ ghə̂ a tɔbə ghə nsə ghə̂ ghə umaʼlə ghə, kee dii fu tsu tə̀ ghinətəghə ghə. Â sey loʼ nghee wə a ləghənə nə̀ ghəə ghə a doʼo tii, a Bày.”

Tùm i dzuŋu zə kuum Yeso Klisto tə Jɔn â tɔɔnə 3:8

Abə kɔŋŋə kə tsəghə ndownə n bad key kə ləghənə, wù zownu nghee kə fuŋu tsəghənə, a kee loʼ nə̀, wù way dzə ni dza luʼu key kə nuu bənə tii nkee luʼu key kə ndòwnə. A wey loʼ soʼo nghee i loʼnə ghi wù wey Zay kə Zow kə loʼnə n kow wi.”

Roma 9:11

Zə̀ kə mâ sày naŋa tən wù wən tə i doʼlənə tow kə n fəŋŋə kə ghə ngɔ̀ŋ ghən nə ghə ka ghə kam ji. Â loʼ nə̀ ghə ka kam ghəŋə soʼo ghə i dzuŋu i loʼ zə nkee ghə i bəbə zə. Zə̀ kə â ghəŋə sey ni dii bə nə̀ jìi zey tə sàynə ghə̂ a wi ghə tii.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.