Roma 8:8 - Kaa n Kəzə̀ n fəghə mə

⁸ Ghə̂ ghey ghə ghəŋŋənə ghəə ghey gow uwû ləghənə, ghə way ni ghəŋə dzə ghəə ghey Zə̀ kə ləghənə.

Roma 8:8 ပူးပေါင်းရင်းမြစ်များ

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Tùm i dzuŋu zə kuum Yeso Klisto tə Jɔn â tɔɔnə 8:29

Wù wey tə tûmnə mə loʼ ghi mə, tə ka mə naŋa taʼa dzə n nəŋə mə, n təŋkey, n ghəŋŋə ndòw kə ghəə zey i ghəŋŋənə wi nə̀ tə i duʼlə.”

Roma 1:21

Nghee ghə tsəm khə kənə nə̀ Zə̀ kə loʼnu, ghə ka wi ngɔɔmə dzə tə aloʼ Kəzə̀, nkee ni fuu zɔŋŋə kə wi n ghəə ghey tə ghəŋŋənə. Ghə fədlə keeli ndow moʼlə tə laʼlə tə, ghəŋŋə fə̀ŋ tə ghə tə a dzə doʼo tsunə tə̀ aloʼ kələm.

Roma 7:5

I loʼ sey n təŋkey, nəŋə zey saa â nam muunə n jìi zey vən fə uwû i saa i ləghənə, saa â ngii khə zày ni ghəŋŋə ghəə a bəbə ghə, laŋ kə n baa chimmə may ndow saa ni ghəŋŋə ghəə a bəbə a tii ghə. Ghəə ghey saa ghəŋŋənə adzəm, a ney bə ivə.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 7:32

N ləghə way nə̀ ghaa ngii fəmmə wû i ghaa. I loʼ nə̀ weynum wey tə khə way wey, fuu nyiə ndow wû u wi n fwaʼ kə Mûkəbii, n təŋkey tə ləghə kə ni ghəŋŋə ghəə zey Mûkəbii ləghənə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 3:20

Ghaa ghiinətəghə ghə, i zow na tə ghə bày a ghaa ghə nə aghəə adzəm, n təŋkey, a wən loʼ ghəə ghən a dzɔbənə n sə kə Mûkəbii.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

1 Jɔn 3:22

Saa i keelinu fə wən saa nɔɔnə n wɔ wi n təŋkey, saa naŋŋənu laŋ u wi wə, ghəŋə soʼo ghəə ghey a dzɔbənə tə wi.