Roma 8:7 - Kaa n Kəzə̀ n fəghə mə

⁷ I loʼ sey n təŋkey, ghə̂ ghey fə̀ŋ tə ghə tə loʼ tən kə n ghəə ghey gow uwû ləghənə, ghə loʼ tən tsə kə ghə̂ a təngəmə a Kəzə̀. Ghə naŋŋə way laŋ u Kəzə̀ wə. Ndzəm ndzəm, ghə naŋŋə way laŋ u tii wə abə ghə mə buʼu ləghə kə ni naŋa.

Roma 8:7 ပူးပေါင်းရင်းမြစ်များ

Matyo 12:34

Zuu tə bəbə tə tə̀ a loʼ ghaa! Ghaa loʼ ngee ni khəə ghəə a dzuŋu ghə nə̀ ghaa loʼ ghə̂ a bəbə ghə ə? N təŋkey wù bɔɔmə khəə shiə bə kə ghəə ghey a luu doʼonə n fə̀ŋ ə wi.

Matyo 5:19

Abə wù tsayyənə laŋ kə kəmɔʼ n laŋ u Kəzə̀, sìi ndzəŋŋə ndòw soʼo ghə̂ a loʼ ghə nə̀ ghə i ghəŋŋə sey, tə i doʼlə wù kənunu n fɔɔ wə idəŋ wə. Wù wey tə naŋŋənə laŋ u tii wə, dii nduŋŋə ndòw soʼo tə ghə̂ a loʼ ghə, î doʼo wù nii n fɔ̀ɔ wə idəŋ wə.

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 1:30

Ghə bəəbə kaabə zəd a ghə̂ ghə, ləghə way Zə̀ kə, khə ndow, ghaŋŋə iwû, kɔʼlə soʼo iwû. Ghə kəŋə təjii tədzəm ni ghəŋŋə ghəə a bəbə ghə. Ghə ngɔɔmə way ghə bày a ghə ghə.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 7:22

I sey diinə, N ləghənu laŋ kən Zə̀ kə fuu bənə n fə̀ŋ zuŋ idzəm.

Roma 8:4

Zə̀ kə â ghəŋə sey ni ghəŋə nə̀ saa ghən saa muunə nghee tə̀ Zay kə Zow kə diinə, nə̀ à way dzə nghee tə̀ gow uwû ləghənə, saa i loʼ tsətsəghə tə̀ laŋ kə diinə.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 9:21

Ambə n loʼ ghi ghə̂ ghey ghə way n tənə laŋ kə Mushi, mə n muu soʼo tə n way n tənə laŋ kə Mushi, sey nə̀, n loʼ ni kwu zə̂ bə soʼo ghə tə Klisto. Abə n ghəŋŋənə sey, i dii dzə way nə̀ n naŋŋə way laŋ u Kəzə̀ wə. Isəŋə loʼ nə̀ n loʼ n tənə laŋ kə Klisto.

Kolose 1:21

Ghaa loʼ soʼo n taŋa tii, n təŋkey ghaa a buʼ way tsə ghi Zə̀ kə, ghaa n loʼ tsə ghə̂ a təngəmə a wi bòʼ ghəə a ghaa a bəbə ghən ghaa â ghəŋə tsənə ghi moʼlə tə ghaa tə bəbə tən ghaa â khə tsənə n fə̀ŋ tə ghaa.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!