Roma 8:5 - Kaa n Kəzə̀ n fəghə mə

⁵ I loʼ nə̀, ghə̂ ghən ghə muunə muu zən gow uwû ləghənə, bɔɔmə moʼlə tənə kə ghəə ghey a kpiilənə tə̀ gow uwû. A kee bə ghə̂ ghey ghə muunə, muu zey Zay kə Zow kə ləghənə, bɔɔmə moʼlə tənə kə ghəə ghey a kpiilənə tə Zay kə Zow kə.

Roma 8:5 ပူးပေါင်းရင်းမြစ်များ

Malakus 8:33

Yeso n fəd khə̀mmə dzəŋŋə bə, laalə ndòw dzûmə tə wi, kpaa dzəŋŋə ndòw wi nə̀ kə tə nə kəm ghɔɔmə ndzoʼo ghɔɔmə zey, dza tə̀ wi nə̀, “Nuu n tûm usə̂ wuŋ ə Satan, n təŋkey, ghəə ghey wə moʼlənə ka nuu bə dzə n wɔ Zə̀ kə, a fəd nuu bə n wɔ wù sɔŋtsuʼ.”

Tùm i dzuŋu zə kuum Yeso Klisto tə Jɔn â tɔɔnə 3:6

Wù sɔŋtsuʼ jiə wù sɔŋtsuʼ, Zay K-a-zə̀ kə a kee ghəŋŋənə saa nə̀ saa keeli kəzay.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 15:48

Ghə̂ a mbi a loʼ tə a loʼ Adam wən ghə â bɔmnə wi nə təzub, ghə̂ ghən ghə i kɔʼɔnə idəŋ, ghə i kee loʼ tə̀ a loʼ Klisto wən tə â tsu bənə idəŋ.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

2 Kɔrint 10:3

À loʼnu isəŋə nə̀ saa muu fa n mbi, à kee loʼ nə̀ saa təmə dzə way tsam nghee tə̀ ghə̂ a mbi a təmənə tii.

Galeshia 5:17

N sey dza n təŋkey, ghəə ghən gow uwû ləghənə, bəghəm dzəŋi dzə way ghi ghəə ghən Zay kə Zow kə ləghənə. Ghəə ghən Zay kə Zow kə ləghənə bəghəm dzəŋi soʼo way ghi ghəə ghən gow uwû ləghənə. Fə wən ubəghə dzəŋi zuu baalənu, dii tsu nə wə khə way daʼa kə ni ghəŋə ghəə zey wə ləghənə ni ghəŋə

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

2 Pita 2:10

Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.