Roma 8:4 - Kaa n Kəzə̀ n fəghə mə

⁴ Zə̀ kə â ghəŋə sey ni ghəŋə nə̀ saa ghən saa muunə nghee tə̀ Zay kə Zow kə diinə, nə̀ à way dzə nghee tə̀ gow uwû ləghənə, saa i loʼ tsətsəghə tə̀ laŋ kə diinə.

Roma 8:4 ပူးပေါင်းရင်းမြစ်များ

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Roma 2:26

Abə wù wey tə way wù Juu bweynə nghee tə Laŋ K-a-zə̀ kə diinə nə̀ ghə ka bùʼ səghə tyi kə wi kə, Zə̀ kə i ney wi ighələ ghi wù juu wən ghə səghə dzənə tyi kə wi kə.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

2 Kɔrint 10:2

N buʼu bə kəwɔɔ tə̀ ghaa nə̀ kə ghaa nə̂ ghəŋŋənə nə̀ n tɔɔbə ghɔɔmə abə mə î bənə, n təŋkey n loʼnu ni tɔɔbə ghɔɔmə tə̀ ghə̂ ghey ghə dzanə nə̀ ghey ghəŋŋə aghəə n jìi zey ghə̂ a mbi a ghəŋŋənə.

2 Kɔrint 10:3

À loʼnu isəŋə nə̀ saa muu fa n mbi, à kee loʼ nə̀ saa təmə dzə way tsam nghee tə̀ ghə̂ a mbi a təmənə tii.

Galeshia 5:16

N dza bə tə ghaa nə̀ ghaa khə ni muu n daʼa kə Zay kə Zow kə, n təŋkey, a wey loʼ fə key kə i gaamənə ghaa nə ghaa ka i ghəŋŋə ghəə a bəbə ghey gow uwû ghaa ləghənə.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.

Chi dii 14:5

Ghə ka dza koʼ tsə ghəə a badla ghə, ghə khə soʼo way bwu i loʼ zə.