Roma 8:23 - Kaa n Kəzə̀ n fəghə mə

²³ À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

Roma 8:23 ပူးပေါင်းရင်းမြစ်များ

Lukas 20:36

Ghə loʼ tə a loʼ tsətəndəghə tə Kəzə̀, ghə way ni kəm kpuu, boʼnə ghə nya loʼ waa a Kəzə̀ nghee ghə zhəm dzəŋŋə dzə nə ivə.

Lukas 21:28

Abə ghaa i koʼnə ghəə ghən a shiənə, ghaa i təmi kɔʼ nə ifuu, ghaa laalə kɔʼ ndow idəŋ, n təŋkey bəghəshi i ghaa zə n shɔd.”

Roma 5:11

A kad way kə sey, Zə̀ kə ghəŋə nə̀ saa i duʼlə n bam i Mûkəbii saa Yeso Klisto, tə ghəŋənə nə̀ saa i loʼ nə kəfə kəmɔʼ ghi Zə̀ kə.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Roma 7:24

N baa loʼ ndzoʼo wù u ghaa wə! À loʼ ndee tə loʼ ni bəghəshi mə n vən fə uwû fən fə tɔŋŋə bənə və zə n kow mə ə?

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

2 Kɔrint 1:22

Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.

2 Kɔrint 7:5

Nghee tə̀ ghey â ndòwnə n mbuʼu Masedonya, ghey â ka keeli dzə buʼ kə ni zayyə. Ghey â keeli nchɔd nə təluʼu tədzəm. Ghey n dəmə ghi ghɔɔmə tə aghə̂ tə, faŋŋə khə soʼo itsəŋ n fə̀ŋ.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Efesus 1:14

Zə̀ kə fuu saa n Zay kə Zow kə tə̀ a loʼ tsəə nə saa i keelinu naamə key nsə bəghəshi zey Zə̀ kə təb naŋanə, sey nə̀, saa i kɔʼlə wi bòʼ ghaʼ i wi.

Efesus 4:30

Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.